Skip to main content

Hedtoftip ajunaarnera pillugu filimiliaq illu ulikkaarlugu attortissimanaqisumillu isiginnaarneqarsimavoq

M/S Hans Hedtoft pillugu naatsumik filmiliaq Qaqortumi takuteqqaarneqarmat inuppassuit 400-t sinnerlugit amerlassusillit ilinniarnertuunngorniarfimmut isiginnaariarsimapput.

Filmi Inuk Jørgensenimit ilitsersorneqarluni suliarineqarsimasoq, septembarip qaammataani Nuuk International Film Festival ingerlanneqarmat Naatsumik filmiliatut pitsaanerpaatut nersornaaserneqarpoq.

Unnuk misigisaqarfioqisoq

Inuk Jørgensen Brian A. Johansenillu Campus Kujallermi misigisaqarfioqisumik unnussiornertik ima oqaluttuaraat:

Filmi aasaq immiunneqartoq, ukiut 60-it matuma siorna alianaqisumik ajunaartoqarnerata kingorna anniaatit inuttullu kinguneqaatit pillugit filimiliaavoq.

Hans Hedtoftip ajunaarnera pillugu naatsumik filimiliami misigissuseqarnaqisumi erinarsuut ”All Hope Abandon” tusaaneqarsinnaavoq, indspillet af indie-rockertartut Small Time Giantsikkut, Qaqortuminngaanneersut aamma ilinniarnertuunngorniarfimmeersullu erinarsuusiaat.

Brian A. Johansen
 

Atuarfiup inersuaani filmi takuteqqaarneqarpoq, kingusinnerusukkullu Per Kunuk Lyberth-Lynge, Augo Lyngep ilisimaneqartutut M/S Hans Hedtoft umiiarmat ajunaartup, erngutaa oqalugiarluni. Per Kunuk umiiarneq, Sidste Afgang, pillugu atuakkiortuuvoq, naatsumillu filmiliami pingaarnertut inuttaalluni.

Aaqqissuussaq nalunaaquttap akunnerata aappaa avillugu sivisussuseqarpoq, aamma filmiliornermi ilitsersuisup Sverigemiit videokkut tikiluaqqusinerata saniatigut makku takusassiarineqarput M/S Hans Hedtoft assinga umiarsuaaraq Qaqortumi katsersugaasivimmit atukkiussaq, Erling Dalsgaardip 1959-imi assilisimasai Narsap katersugaasivianeersut, immap assinga, umiarsuarmut radiokkut attaveqarsimanermit pappialanngorlugit aniatitat aamma nunami maanngaanniit nunanillu allaniit aviisitigut ilanngutassiat.

Brian A. Johansen

Inuit taamak amerlatigisut taama sivisutigisumik nipaannerat misigissallugu qaqutigoorpoq, malunnarluinnarporli aaqqissuussaq isiginnaartunit soqutigineqaqisoq, aamma inuppassuit M/S Hans Hedtoftip angalaqqaanermini umiiarnera pillugu oqaluttuamut attortissimaqalutik malinnaapput, Inuk Jørgensen Brian A. Johansenilu allapput, nangillutillu:

Ujaasineq suli ingerlasoq

Per Kunuk Lybert-Lyngep Rasmus C. Rasmussenillu ”60°North”-imeersut, Per Kunuk Lynge-Lyberthip misissuinerani ikiuussimasut naggasiillutik oqaluttuarput, 2020-mi aasakkut Kap Farvelip eqqaani ullut 30-t ujaasisoqarnissaanik pilersaaruteqarlutik.

Aaaqissuussaq naammassineqarmat Annaasisup Oqaluffiani umiarsuup puttaqutaata nivingaffiani nuannersumik attortinnartumillu eqqaaniaasoqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER