'Hedtoft' pillugu filmiliaq Hollywoodimi nersornaaserneqartoq

'Hedtoft' Hollywoodimi Independent Shorts Award agguaanneqarmat naatsumik piviusulersaarusiatut pitsaanerpaatut sølvinnassutigineqarpoq

'Hedtoft' Inuk Jørgensenimit suliarineqartoq filmiliortarfimmi Hollywoodimi kusanartumik nersornaaserneqarsimavoq.

Independent Shorts Awardseqartoqarmat Piviusulersaarutit naatsut nersornaaserneqarmata sølvinnappoq.

Filmi aamma Pitsaanerpaamik killorneqarsimasut, Pitsaanerpaamik nipeqartut Pitsaanerpaamillu assilineqarsimasut akornanni unammeqataasimavoq.

- Naatsumik filmiliamma nersorneqarneranut ISA qutsavigerusuppara. Filminnguaq naatsoq uagut silarsuatsinni inuppassuarnut suli attuisartoq, Inuk Jørgensen qujassuteqarluni oqaaseqarnermini Facebookimut ikkussimasamini oqarpoq.

'Hedtoft' decemberip qaammataata aallartinnerani Qaqortumi filmertarfik ulikkaavillugu takuteqqaarneqarpoq. Filmimi pingaarnertut inuttaasoq Per Kunuk Lyberth-Lynge, Augo Lyngep Hedtoftip umiiarnerani ajunaaqataasutut ilisimaneqartup erngutaraa.

Filmi aasaq immiunneqartoq, ukiut 60-it matuma siorna alianaqisumik pisoqarnerata kinguneranik anniaatinut inuttullu kingunerluutinut tunngassuteqarpoq.

Hans Hedtoftip umiiarnera pillugu naatsumik filmiliami misigissutsit sakkortuut ”All Hope Abandon”-mik, Small Time Giantsikkunnit Qaqortuminngaanneersunit immiunneqarsimasumik ingiallorteqartinneqarput.

Inuk Jørgensen filmiliaminik nersorniarneqartarpoq. ‘Hedtoft’ septemberip qaammataani Nuuk International Film Festival ingerlanneqarmat siumoortumik takuteqqaarneqarami pitsaanerpaamik naatsumik filmiliatut nersornaaserneqarpoq.

Aamma naatsumik filmiliarisimasaa ‘Home’ nersornaaserneqarnikuuvoq.

Powered by Labrador CMS