Hashimik unnerluussat biilit umiatsiat qaraasiallu annaasinnaavaat
Hashimik anngiortumik eqqussuinermi Kalaallit Nunaata oqaluttuarisaanerani suliat annersaat ilaattut nalilerneqarsimasumi, unnerluutigineqartut arfineq-marluk pineqaatissinneqassappata, unnerluussisussaatitaasut nalituut arlallit arsaarinnissutigissavaat.
Unnerluutigineqartunit arfineq-marluusunit aningaasat ikiaroornartuerniarnermit iluanaarutaasimasut ikinnerpaamik katillugit 9,5 millionit koruuniusut tunniunneqarnissaat neriuutigineqarpoq.
Aningaasat “250.000 koruuniniit” “4 million koruunit ataannagit” agguataarneqarsimallutik.
Piisaartut
Atortorissaaruterpassuit aningaasanik amerlasuunik nalillit unnerluunneqartut pisuutinneqassagunik arsaarinniussutigineqassapput
Unnerluussummi taama allassimasoqarpoq.
Unnerluunneqartup ilaat mobilimik arsaarneqarnissaaq. Ilai hashimut oqimaalutaammik, poortuut silaannaartitsisartoq, aaqqatit latexiusut atortullu ikiaroornartulerissutit allat arsaarinnissutigineqarniarlutik.
Unnerluussat ilaasa naliginnaasuunngitsumi atuisarsimapput, tassa biilinut akisuunut qarasaasianullu akissaqarsimallutik.
Biilit rubiinillu
Toyota Landcruiser aamma Audi A6 arsaarinnissutigineqarsinnaapput aamma aallaasit, imassat, iPadit, MacBookit, umiatsiat, mobiltelefonit, rubiinit, dronet, qamuteralaat, ATV aamma cross maskinet unnerluutigineqartunit arsaarinnissutaanissaannut siunniunneqarput.
Eqqartuussineq Eqqartuussisoqarfik Sermersuumi apriilip 16-iani pissaaq.