Hashi pillugu suliaq: Eqqartuunneqarsimasut arfineq-marluk tamakkiisumik imaluuniit ilaannakortumik iperagaanissartik kissaatigaat
Sapaatip-akunnerata tulliani inuit arfineq-marluk hashimik 60 kilongajammik anngiortumik eqqussisimasutut tuniniaasimasutullu siorna eqqartuunneqartut suliassanngortitseqqinnerat aallartissaaq.
Sapaatip-akunnerata tulliani marlunngorpat, inuit arfineq-marluk hashimik anngiortumik eqqussuisimasutut tuniniaasimasutullu siorna eqqartuunneqartut suliassanngortitseqqinnerat aallartissaaq.
AG taama allaaserisaqarpoq.
Taakku unnerluutigineqartut arfineq-marluk eqqartuussisoqarfimmit eqqartuussutigineqartut suliassanngorteqqikkamikkit annaasassaqarpallaanngillat. Tassami eqqartuussisoqarfimmit unnerluussisussaatitaasut piumasaqaataat annertunerpaatigut malinneqarput
Unnerluunneqartunit arfinillit hashimik 60 kilomik anngiortumik eqqussuisutut tuniniaasutullu eqqartuunneqarput. Arnaq taamani 27-nik ukiulik hashimik 27 kilomik anngiortumik eqqusseqataasutut eqqartuunneqarpoq.
Taanna taamaallaat ukiuni pingasuni qaammatinilu qulingiluani inissinneqaatigaa.
Allat tallimat ukiuni tallimani inissinneqartussanngortinneqarput, angullu politiinit tunuliaqutaasutut oqaatigineqartoq ukiuni tallimani qaammatinilu arfineq-pingasuni inissiisarfimmiittussanngorlugu pineqaatissinneqarpoq.
Tamarmiullutik pisuunermut apeqqut suliassanngorteqqippaat.
Hashimut 60 kilomut unnerluussut pingaarneq pingasunut agguataarneqarpoq, tassani uppernarsaatit nukittussusaat pingasuni assigiinngitsumik inissisimapput. Taamaalillunilu Nunatta Eqqartuussisuuneqarfia ilaatigut iperaanermik aalajangiussisinnaavoq, naak tamakkiisumik iperaanngikkaluarluni.
Suliaq pillugu AG-mi paasisaqarnerusinnaavutit, tassani aamma illersuisut, eqqartuussinermi eqqartuussisoq aamma unnerluussisoq ataaseq Danmarkimeernerat oqaluttuarineqarpoq. Ilisimasallip tamatuma suliamut qanoq isumaqarsinnaanera nalilerpaa: