hash pillugu suliaq
Hashi pillugu suliaq annerit ilaanniittoq
Angut Danmarkimi tigusarineqartoq Nuummi eqqartuussivimmi nal. 11.00 sassartinneqassaaq. Marlunngornerup unnuaani hashimik tuniniaasartutut pasineqartunik tigusarinninneq, qaammatini arlalinni misissuinerup kingorna ingerlanneqarpoq.
Marlunngornerup unnuaani politiit annertuumik suliaqarnerat, inuit arfineq-marluk tigusarineqarnerannik kinguneqartoq, hashimik anngiortumik eqqussuinermut aamma kiilunik marlunnik kisitsisitaqartunik tuniniaanermut tunngavoq.
Qaammatini arlalinni misissuineq
Misissuineq qaammatini arlalinni ingerlasimasoq, aamma suliaq maani suliarineqarsimasut annersaasa ilagigaat, unnerluussisussatitaaneq Tobias Berg, Sermitsiaq.AG-mut ilisimatitsivoq.
Inuit taakku tamamik Nunatsinnut attuumassuteqartuupput. Angut aamma 30-leereersimasoq Danmarkimi tigusarineqartoq taamaappoq, taanna maanna Nuummut timmisartuunneqareerluni, sisamanngornermi nal. 11.00 eqqartuussivimmi sassartinneqarpoq, tigummigallarneqarnissaa piumasaqaatigineqarluni.
Ataaseq immikkoortinneqartoq
Inuk ataaseq suli 30-liisimanngitsoq Nuummilu tigusarineqartoq, immikkoortillugu paarnaarunneqarpoq.
Aamma atuaruk: Ikiaroornartuerniatut pasineqartut arfineq-marluk tigummigallarneqartut
Nuummi sumiiffinni arlalinni politeerpassuit aallaasilisartut tigusarinnipput. Politiit tigusarinninnerat danskit politiivi peqatigalugit ataqatigiissaarneqarpoq, taakku angut ataaseq tigusaraat.