Hashi annikinnerusoq aningaasalli amerlanerusut
Ukiut siuliinut naleqqiullugu 2018-imi hashi arsaarinnissutigineqartoq annikinneruvoq, aningaasali arsaarinnissutigineqartut amerlanerullutik
Naak 2017-imut naleqqiullugit politiit arsaarinnissutaat annikillisimagaluartut politimesterip Bjørn Tegner Bayip silarsuaani tamanna takussutissaanngilaq haship ajornartorsiutaanerata allanngorsimaneranut. 2017-imut naleqqiullugu 2018-imi hashi annikinnerusoq arsaarinnissutigineqarpoq aningaasalli amerlanerusut arsaarinnissutigineqarlutik.
Sermitsiaq allappoq.
- Ukiut 10-15-20-t kingulliit ingerlaneranni haship arsaarinnissutaasarnera misissoraanni tamanna 50 kilot missaanniittarpoq. 2018-imi 2017-imiit hashimik annikinnerusumik arsaarinnissuteqarpugut, aningaasalli amerlanerusut arsaarinnissutigalutigit. Ukiumi tassani politiit ilanngaaserisullu immaqa aningaasanik nassaallaqqinnerusimapput. Assersuutigalugu Kalaallit Nunaannit aallalernermi aningaasat nassaarisinnaanerusimavagut, imaassinnaasarporli aamma misissuigaangatta assersuutigalugu hashimik tuniniaasoqarneranik pasisaqarluta, Bjørn Tegner Bay oqarpoq.
2017-imi aningaasat 4.090.499,60 koruunit arsaarinnissutigineqarput, 2016-imi 4.303.249,50 koruunit 2018-imi aningaasat 5.797.516,15 koruunit arsaarinnissutigineqarlutik.
Allaaserineqartoq aviisimi Sermitsiami, aqagu tallimanngornermi saqqummersussami, tamakkiisumik atuarneqarsinnaavoq. Aviisi uani pisiarineqarsinnaalereerpoq: