atorfik nutaaq
Hardenberg siulersuisuni siulittaasunngorpoq
Naalakkersuisut siulittaasuata Naalakkersuisoqarfiani pisortaasimasoq Svend Hardenberg Greenland Invest-imi siulersuisuni siulittaasunngorpoq, Nuuk TV taamatut nutaarsiassiivoq
(Allaaserineqartoq nalunaaqutaq 11.24 nutarterneqarpoq)
Naalakkersuisut siulittaasuata Naalakkersuisoqarfiani pisortartut tunuartitaareernermi kingorna qaammat ataaseq qaangiuttoq, suliffeqarfimmi namminersortumi Qaqortumiittumi Greenland Invest-imi siulersuisutut siulittaasussatut toqqarneqarpoq.
Nuuk TV taama nutaarsiassiivoq
Siumup politikkikkut siulittaasuata tullia, Jørgen Wæver Johansen, Kommune Kujallermi aamma borgmesteriusoq, Greenland Investimi Hardenberg suleqatigissavaa. Aamma suliffeqarfinnik allanik ingerlataqartuuvoq.
Rasmus Christian Rasmussen suleqatigalugu Greenland Invest aallarnisarneqarpoq, kiisalu aamma suliffeqarfik LSN Greenland, borgmesterimit aallarnisarneqartuulluni. LSN Greenland Qeqertarsuatsiaat eqqaanni rubinisiorfissamik piiaaffimmik sanaartornissani aallartingajalerpaa.
Islandermiut nutaarsiassaqartitsiviat RUV aqqutigalugu Nuuk TV taamatut nutaarsiassiivoq. Tassani oqaluttuarineqarpoq Svend Hardenberg naalakkersuisoqarfimmi pisortatut tunuartitaareernermi kingorna sapaatip akunnera qaangiuttoq Jørgen Wæver Johansenip Qaqortumi suliffeqarfiani atorfeqalersimasoq.