Skip to main content

Harald Børstingip kingoraartaa SIK-p pilluaqquvaa

Nunani avannarlerni tamani sulisartut kattuffii ukiuni tulliuttuni allanngussapput, suliassamillu tamatuminnga kivitsinissamut LO-p siulittaasortaava inuk eqqortuuvoq, SIK oqarpoq

Marlunngormat kattuffiit aallartitaasa, nunatsinni sulinermik inuussutissarsiuteqartut kattuffiat SIK ilanngullugu, qullersaanertaartik Ålborgimi toqqarpaat.

Soraarninngortup Harald Børstingip kingoraartatut qinerneqarpoq Lizette Riisgaard, taasisunit amerlanerpaanit qinerneqartoq.

Kinamiunut inatsit isornartorsiorpaa

Lizette Riisgaard nunatsinni pissutsinut akulerunnikuuvoq, tassa suliniussuarnut inatsit, ullumikkut Kalaallit Nunaanni sulinissamut najugaqarnissamullu amerlasoorsuakkaarlugit akuersissuteqarnissamut periarfissiisoq, isornartorsiorlugu oqaaseqarami.

Nuummi anorersuarnera pissutigalugu SIK-p siulittaasua Jess G. Berthelsen LO-p Ålborgimi ataatsimeersuarneranut anngutinngitsoorpoq, allattoqarfimmili pisortaq Lissi Olsen peqataavoq.

Lizette Riisgaardip siunissaq qulakkiissavaa

– Lizette Riisgaard LO-mi siulittaasup tulliatut sulisimaneranit ilisarisimavarput. LO-mi qullersat nutaat annertuunik unammilligassaqarput, nunarsuarmiunngorsaanermik aammalu kattuffiup 2015-imi siunissamilu ataatsimoorfiusutut aaqqissuunneqarnissaanik naleqqussarneqarnissaanillu.

Unammililgassamut tamatumunnga akissutissaavoq kattuffiit nukittunerusumik suleqatigiinnerat, SIK oqarpoq.

– Taamaattumik pitsaasuuvoq LO qullersaqalermat arnamik siulittaasortaaginnarani inuusuttumillu siulittaasup  tullertaaginnarani, aammattaarli aqutsisussanik aqqummillu toqqaammat, ilaasortanik annertunerusumik qitiutitsisussanik, ilaasortanillu attaveqarnermik qulakkeerinnittrunik attaveqaqatigiinneq kimeqarluartoq aqqutigalugu, SIK-p siulittaasua oqarpoq, taannalu nammineq aamma attaveqaqatigeeriaatsimik nutaamik aallartitsinialerpoq.

Kattuffiit assigiinngisut assigiissumik anguniagallit

Jess G. Berthelsenip Harald Børsting qutsavigaa, taannalu maanna ukiuni arfineq-pingasuni sulinermik inuussutissarsiortunut siulittaasooreerluni soraarninngorpoq.

– SIK LO-lu kattuffiupput nunani assigiinngitsorujussuarni marlunni kattuffiit assigiinngitsorujussuit marluk, ataatsimulli soqutigisaraarput akaareqarigiinnerup, ataatsimooqatigiinnerup aammalu kikkut tamarmik assigiissumik ilinniagaqartinnissaannik suliffissaqartinnissaannillu nukittorsaanissaq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER