Flyvsk
Hanstholmimi naajavaarsuk
Jyllandip avannamut kitaani issittup timmiai qaqutigoortut arlallit takuneqarsinnaapput
Hanstholmip eqqaani issittup timmiai qaqutigoortut arlallit maanna takuneqarsinnaapput. Ilaatigut naajavaarsuk piaraq, nalinginnaasumik Tunup avannaani Svalbardimilu piaqqiortartoq - taakkunanilu allaat qaqutigoortuuvoq.
Taamatut allappoq Nordjyske Medier.
Issittup avannarpiaata timmiaa nalinginnaasumik ukiukkut nunarsuup avannarpiaaniittaraluarpoq. Tamaani aalisagaaqqanik puisinillu silunik, nannut malillugit pissarsiarisartakkaminik, nerisarluni. Naajavaarsummut Norgep avannaa Islandilu ima kujasitsigaat taakkunani takuneqassanani. Aamma ukiukkut.
Aatsaammi arfineq-pingajussaa naajavaarsuk Danmarkimi takuneqarpoq. Tamatuma saniatigut Hanstholmimi issittup timmiaa alla takuneqarsinnaavoq - tassalu uppik, qularnanngitsumik Sibiriami masarsoqarfimmeersoq. Uppik angalaaginnartuuvoq nerisassarsiorluni sumut tamaanga angalasarluni. Ukiukkut upernassakkullu Danmarkimut pisarsinnaavoq, ukiorpassuarnilli akuttussusilimmik, taamatut allappoq Nordjyske Medier.