Tillykke
Hansa Sisimiuneersoq qaffasinnerpaamik karakterinnappoq
Maanna Nunatsinnut angerlassaaq namminetsortunngorniarluni
Hansa Olsen Sisimiuneersoq arnat atisaannik mersortartutut ilinniagaqarnini naammassivaa angusarissaaqaluni. Juunip 20-anni allagartartaarpoq.
Soraarummeernermut allagartami ilaatigut allassimavoq Hansa ilusilersuinermi 10-mik angusisoq mersornermilu suli kusanarnerusumik 12-mik angusilluni.
Taamaasilluni arnat atisaannik mersortartutut, atisanik ilusilersuisartutut modelkonstruktør-itullu allagartartaarpoq. Ilinniagaqarneq ukiunik marlunnik sivisussusilik Hansap Aalborgimi Textilhåndværkerskolimi ingerlassimavaa.
Hansa Olsenip suliaasa ilarpaalui Aalborgimi Kalaallit Illuutaanni saqqummersinneqarput, inuiattut ullorsiornermi takkuttorpassuarnit takuneqarsinnaallutik.
Hansa Olsen oktobarimi Sisimiunut utissaaq, pilersaarutigaalu namminersortunngornissani.