ataatsimiititsineq

Hammond Nunatsinni innuttaasunik ataatsimiititsilerpoq

Nunatsinnit folketingimut ilaasortap Siumumeersup illoqarfiit arlallit tikeraassavai

Aleqa Hammond
Folketingimi ilaasortaq Aleqa Hammond (S), Danmarkimi arlaleriarluni innuttaasunik ataatsimiititsereerluni maanna Nunatsinni illoqarfiit arlallit tikeraassavai

Folketingimi ilaasortaq Aleqa Hammond (S), Danmarkimi arlaleriarluni innuttaasunik ataatsimiititsereerluni maanna Nunatsinni illoqarfiit arlallit tikeraassavai.

Folketingimi politikkikkut suliat tassani saqqummiutissavai.

Atuaruk: Københavnimi innuttaasunik ataatsimiisitsineq orniguffiulluartoq

Innuttaasunut tusarnaarniartoq
Aleqa Hammondip innuttaasunik ataatsimiititsineq siulleq Nuummi ingerlatissavaa.

- Folketingimi sulinermi susassaqarfiit nunatsinnut attuumassuteqartut ingerlanneqartarput, taamaattumik uagutsinnut qinikkanut pingaaruteqarpoq nunatsinni qinersisartut naapittarnissaat oqariartuutaasalu tusaasarnissaat.

Atuaruk: Aajap aamma Aleqap kalaallit Danmarkimiittut tusarusuppaat

- Ukiup affaata ingerlanerani Siumut Folketingimi assigiinngitsutigut pingaarutilinnik suliaqarnermigut oqariartuuteqartarpoq, tamamakkualu ilaatigut ataatsimiitsitsinermi saqqummiutissavakka, Aleqa Hammon tusagassiuutinut nalunaarummi allappoq.

Illoqarfiit arlallit tikinneqassasut
Aleqa Hammondip aamma nunatsinni illoqarfinni allani ataatsimiitsitsinissani pilersaarutigaa. Ataatsimiitsitsinissat allat pillugit kingusinnerusukkut nalunaaruteqartoqarumaarpoq, paasissutissiivoq.

Nuummi innuttaasunik ataatsimiititsineq sisamanngorpat Katuami pissaaq.

Atuaruk: Hammond: Isumaqatigiissutip Kalaallit Nunaat namminersulivitsissavaa

Powered by Labrador CMS