Skip to main content

Hammeken eqqissisinnaanngorpoq

Piffissamik sivisunerusumik atuiffioreerluni islandimi oqartussat umiarsuaatileqatigiiffiit marluk Royal Greenlad aamma Eimskip suleqatigiinnissaat akuersissutigaat.

Royal Arctic Line aamma islandimiut umiarsuaatileqatigiiffiat Eimskip VSA (Vessel Sharing Agreement) tunngavigalugu suleqatigiissinnaanermik ullumi Islandimi unammilleqatigiinnermut qullersaqarfimmit (ICA-mit) pisortatigoortumik akuerineqarput.

- Kalaallit Nunaannut, Islandimut aammalumi Savalimmiunut oqaluttuarisaanermut pingaarutilimmik ullumi pisoqarpoq, Islandimi unammilleqatigiinnermut qullersaqarfiup nunat avannarliit killiit akornanni imaatigut assartuineq pisariillisarlugu suleqatigiilernissaq akuerimmagu. Maanna Islandimut Islandimiillu pissutsit nunani allani atuuttut assigalugit ingerlaalersinnaagatta qujanarpoq, tassami kiffartuussinikkut unammillersinnaanngorpugut, tamannalu ilutigalugu umiarsuarmi inissaq akisooq aamma avissinnaanngussallutigu. Taamaaliornitsinni aningaasartuutigut avatangiisinullu nanertuutaasinnaasut annikillisissavagut, Royal Arctic Linep pisortaanera CEO Verner Hammeken oqarpoq.

Royal Arctic Linep nutarternerani suleqatigiilernissaq pingaaruteqarsimavoq, taamaattumik suleqatigiilernissamut tunngaviusussaq kingulleq maanna piviusunngormat umiarsuaatileqatigiiffiup nuannaarutigaa, umiarsuaatileqatigiiffiup tusagassiutinut nalunaarutaani allassimavoq.

- Assartuinermi akinik pitsaasunik ukiorlu naallugu sapaatip akunnikkaartumik kiffartuussineq sullitatsinnut neqeroorutigisinnaanngussagatsigu qilanaaraarput. Tamanna pisinnaavoq Eimskip-imut isumaqatigiissuterput tunngavigalugu annertuunik ingerlatsinermi iluaqutissat qulakkeersimagatsigit, tamassumalu imaatigut angallassinerput akikinnerulersillugulu pitsaanerulersissammagu, Royal Arctic Linep pisortaanera CEO Verner Hammeken oqarpoq.

Akuersissut ima isumaqarpoq:

  • VSA tunngavigalugu suleqatigiinneq isumaqarpoq Islandip Europallu akornanni assartugassanut Royal Arctic Line maanna neqeroorsinnaanngormat. Pilersaarutit malillugit taamatut ingerlaaqatigiinnissaq siulleq pissaaq 2019-imi decembarip qaammataani.
  • Islandimi unammilleqatigiinnermut qullersaqarfiup aaliangiineratigut Royal Arctic Linep umiarsuaatileqatigiiffimminik nutarterinera, Kalaallit Nunaannullu, aamma Kalaallit Nunaannit angalasarnerup nutarterneqarnera, pingaarutilik ukkatarisinnaalerpaa.
  • 2019-ip ukiaani umiarsuit imarpikkoortaatit nutaat pingasut, Royal Arctic Linep Eimskip-illu peqatigiillutik pisiaat – Royal Arctic Linep umiarsuaq ataaseq pigaa Eimskip-illu marluk – naammassissapput. Umiarsuit piffissami pitsaasumi, uuliap sisaallu akikinnerisa nalaanni pisiaapput.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER