Skip to main content

Haluu, inoqarpa?

Telefoni nipaaruteriataartoq - tassa Tunumi mobilimik atuisartut atugariuartagaat. – Tusanngisaannarpugut qaqugu iluarsiisoqassanersoq

– Taamaannera naammagiinnarneqartarpoq. Tunummi pingaartinneqannginnera sungiutiinnagaavoq.
Taamatut aaqqissuisoqarfimmut mail-ertoq allappoq, tassuuna Tunumi najugalik oqaluttuarluni Tunu mininneqartartoq tulleriiaarisoqaraangat. Ilami isumaqarpoq Tunumiunik attaveqarniarneq arlatitsigut suusupagineqartoq.
– Piffissami kingullermi piffissani arlalinni avammut attaveeruttarsimavugut. Sapaatip akunnerani kingullermi ullaap tungaa naallugu mobilikkut attaveqanngilaq. Taava ulloqeqqata missaani akunnerni marlussunni atuuppoq, taavalu ualeq naallugu attaveeruteqqilluni, Alf Skovdal Friis mail-ikkut oqaluttuarpoq.
Tamanna ajorluinnarpoq, nangilluni allappoq:
– Piffissami amerlasuut telefoni aalajangersimasumik attavilik atorunnaariartoraat taamaallaallu mobili atulerlugu, inuiaqatigiinni amerlasuut utoqqaasut napparsimasuusullu tamanna pinartunik kinguneqarsinnaavoq. Tamanna peqatigalugu telefonit aalajangersimasumik attavillit ajornartorsiuteqarput, tassa sianernermi sekundit 10-30-t ingerlareersut attaveeruteriataartarmata. Tamanna arlaleriarlugu Tele-mut nalunaarutigineqartarsimavoq. Pitsaanerulersimanngilarli kukkuneq iluarsineqartoq nalunaarutigineqaraluartoq.

Tupigusuutigineqarsinnaavoq  Nuummi kitaanilu illoqarfinni angisuuni attaveqarnikkut ajornartorsiuteqaleraangat Tele tusagassiorfinnut nalunaarutikkut paasissutissiisarmat, Tunumili ajornartorsiuteqartillugu tusagaqartoqassanani, aamma ajoqutit qaqugu iluarsineqassanersut, Alf Skovdal Friis allappoq.
Aaqqissuisoqarfik Tele Greenlandimut attaveqarpoq attaveqannginneq paasissutissiisannginnerlu nassuiaateqarfigeqqullugit, nutaanillu takkuttoqarpat malitseqartissavarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER