Skip to main content

Halibut Greenland ukioq manna avaleraasartoorniassanngilaq

Halibut Greenlandip ukioq manna Tunup imartaani aalisakkanik ikerinnarsiortunik pisassiissutinut qinnuteqarniarani aalajangiuppaa. Sinaakkutat pitsaanngillat

Tunup imartaani ukiuni aalisarfiusuni marlunni avaleraasartoorniarnermi peqataareerluni, Halibut Greenland maanna peqataanianngilaq.

Atuaruk: Aalisakkanut akitsuutit nutaat akerlilerneqarput

Suliffeqarfiup aalajangiuppaa aalisakkanik ikerinnaasiortunik pisassiissutinut Namminersorlutik Oqartussanut qinnuteqarniarani aalajangiuppaa.

Akitsuutit qaffasissoq
Ingerlatsiviup pisortaata, Niels Thomsenip, avaleraasartuunut akitsuutip qaffasissup aalisarnermit aningaasarissaarniarneq maannamut ajornakusoortissimagaa. Tamannalu akitsuutip kiilumut 0,95 ørimit 1,50 koruunimut qaffanneqarnerata ajornerulersippaa.

Tamassuma kinguneranit aalisariutaatillik nunatsinnukarusussusaat annikilleriarujussuarpoq. Aamma Nunatsinni suliffeqarfiit avataasiornermik ingerlatsiumallutik pimoorussillutik sulinerigaluat qanga ujaraannarsiorfiugallarneranut utertitaarujussuarput, Niels Thomsen tusagassiuutinut nalunaarummi naqissusiivoq.

Sila kisimi pisuunngitsoq
Taassuma assersuutigalugu 2015-imi aalisarneq naatsorsuutigineqartutut ingerlanngitsoq oqaatigaa.

Atuaruk: Avaleraasartoorniarneq unitsinneqartoq

- Ataatsimut pisarineqartut neriuutigineqartumiit annikinnerujussuusimapput. Maannamut nassuiaatigineqarput silamut peqassautsimullu tunngasut. Taakkua nassuiaatissat ilamineeraattut isigineqarsinnaapput. Apeqqusersoneqanngilaq politikkikkut suliaqartut aaliangersaaneri suleriuserineqartullu aamma peqqutinut ilaasinnaanersut.

Atuaruk: Avaleraasartoorniarnerup iluatsinngitsup avammut niuerneq eqqorpaa

Aningaasanut tunngasoq
- Sooruna nunani allaneersut pisassinneqarsimasunik suleqateqarlutik nunatsinnukarusussusikittut? Peqqut pingaarneq tassaanngilaq silamut peqassutsimullu tunngasut. Aningaasanut tunngavoq, Niels Thomsen erseqqissaavoq.

Atuaruk: Naalakkersuisut avaleraasartuunik 85.000 tonsinik pisasseeqqipput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER