Skip to main content

Håndboldskole Nuummiittoq qaffasissumik sungiusaasulik

2012-p kingornaniit GOG-mi sungiusaasoq Jakob Larsen Nuummi håndboldskolertitsinermi aaqqissueqataanissaminut kiisami periarfissaqaqqilerpoq.

Håndboldskolertitsineq uge 26-mi pissaaq, tassa ataasinngornermi sapaatip akunnerata tulliani juunip 26-vianni aallartissalluni. Meeqqat sisamaniit 14-nit tungaannut ukiullit håndboldskolertinneqassapput, eqimattanut pingasunut agguarneqassallutik. U6, U10 kiisalu U14. 60-it peqataasinnaapput, peqataasussallu tamakkingajalerput.

Nuummi assammik arsartartut suleqatigineqartut

Nuummi assammik arsartartut suleqatiginerisigut håndboldskolertitsinissaq piviusunngortinneqarsinnaasimasoq, Jakob Larsen Sermitsiaq.AG-mut oqaluttuarpoq.

Finn Nielsen pilersaarusiami aqutsisuuvoq.

- Nunatsinni håndboldskolertitsinissannut 2012-miilli periarfissaqarsimanngilanga. Maannali meeqqagut allisimalermata taamaasiorsinnaalerpunga, Jakob Larsen oqarpoq nangillunilu:

- Meeqqat 60-it peqatiginissaat qilanaaraara, qulakkiissavaralu sapaatip akunnera puigunaatsumik misigisaqarfigissagaat. Minnernut aamma taanna atuuppoq. Aatsaammi siullermeerluta taamak ukiukitsigisunik håndboldskolertitsissagatta. Odensemi meeqqat U4-t Tarup-Paarup Idrætsforening-imeersut sapaatip akunneranut ataasiarlunga sungiusartarpakka, paasisimavaralu arsamik pinnguarnermik sungiusarlugit qanoq nuannertiginersut. Eqqaamassavarpummi: Nuannersuusussaammat, Jakob Larsen naggasiivoq. 

Håndboldskolertitsineq Inussivimmi ingerlanneqassaaq.

Sapaatip akunnera sakkortuumik ingerlanneqassasoq

Ataasinngornermiit tallimanngornermut angisuut U10 aamma U14 nal. 09.00-miit 15.00-mut sungiusartassapput, mikinerillu 10.00-miit 13.00-mut sungiusartassallutik. Jakob Larsen-ip saniatigut sungiusaasut piukkunnaatillit eqimattani assigiinngitsuni sungiusaassapput. Sungiusarnerinnaassanngilarli. Ullut tamaasa ullaakkorsioqatigiittoqartassaaq, ullup-qeqqasioqatigiittoqartarluni unillatsiarnernilu naatitartuuttassallutik. Peqataasut tamarmik håndboldskolertitsinerup aallartinnerani assammik arsartartut tujuuluaraannik marlunnik, normulerneqarsimasunik aningaasaliisullu atiinik ilisarnaataannillu naqitsivigineqarsimasunik, qarleeqqanik, imerfimmik, minnerunngitsumillu assammik arsamik pinnatassinneqassapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER