GUX Qaqortumi naggataamik atuarneq nuannaarutigineqarpoq

GUX Qaqortumi 3.g-mi atuartut ullumikkut naggataamik atuarput. Nuannaarnertik takutinniarlugu mitaarput, illoqarfimmi pisuttuarlutik nipiliorlutik atuartullu allat nersornaaserneqarlutik.

Sidste skoledag for elever i GUX Qaqortoq fejres traditionen tro med udklædning og tidlig vækning af lærere. - Christian Lynge Hard
Sidste skoledag for elever i GUX Qaqortoq fejres traditionen tro med udklædning og tidlig vækning af lærere. - Christian Lynge Hard

GUX Qaqortumi 3.g-t ullumi naggataamik atuarput. Pisarneq malillugu mitaarput, qalipaatigissunik atukkersorlutik, ilinniartitsisutillu ullaaralaakkut itersarlugit.

- Ilinniartitsisut tamarmik ullaaq nalunaaqutaq arfernup missaani itisariartorneqarput aaneqarlutillu. Oqartoqarsinnaavoq ilinniartut qiimmassimaartupilorujussuusut, rektor Brian Alarik Johansen Sermitsiaq.AG-mut oqarpoq.

GUX-imi ullaakkorsiortoqareermat ilinniartut allat quiasaarluni nersornaaserneqartussat nersornaaserneqarput.

Ilinniartut inersuarmi ataatsimuulernissaat pinngitsoortinniarlugu atuaqatigiiaat agguarneqarsimapput.

Ilinniartut 1.g-neersut ilaat siulliullugit nersorneqarput, aappaattullu 2.g-t taamatulli nersorneqarlutik.

Powered by Labrador CMS