Skip to main content

GUX-imi ilinniartut: Tarnikkut ikiorneqarsinnaaneq ersarinnerusariaqarpoq

Meeqqat pisinnaatitaaffii pillugit sullissivik MIO misissuititsisimavoq, misissuinermi paasinarsivoq inuusuttut tarnikkut ikiorneqarsinnaanermut periarfissat ersarinnerunissaanik kissaateqartut. Isumannik paasiniaalluni apersuinermit misissuineq taama takutitsivoq.

Inuusuttut apersorneqartut affaat isumaqarput tarnikkut ikiorneqarsinnaanermut periarfissat ersarinnerusariaqartut.

Kisitsisit aamma takutippaat inuusuttut pingasuugaangata ataaseq isumaqartoq tarnikkut ajornartorsiuteqartut ikiorniarlugit ujartuisartunik sulisoqartariaqartoq.

Nalunaarusiaq “Tarnikkut ikiuineq – GUX Nuummi ilinniartut tarnikkut ikiuisarneq pillugu isumaannik paasiniaalluni apeqqutinut immersuiffissamik misissuineq” taama takutitsivoq.​​​​​​​

Ajornartorsiutit imaannaanngitsut

MIO-p GUX Nuuk suleqatigalugu inuusuttut aperisimavai nuanniilliuuteqaraangamik saaffissaqartutut misigisarnersut. MIO-p isummanik paasiniaalluni apeqqutai GUX Nuummi ilinniartut 67-it akisimagaat, meeqqat pisinnaatitaaffiinik sullissiviup tusagassiutinut nalunaarummini ilisimatitsissutigaa.

Akissutit naapertorlugit inuusuttut ajornartorsiutinik imaannaanngitsunik peqarput:

  • Imminut toqunnermut tunngasut
  • Aliasunneq
  • Kinguaassiutitigut kannguttaatsuliorfigineqarsimaneq
  • Annilaanganeq
  • Uippakajaarneq
  • Kamaqqaneq
  • Angerlarserneq

Ajornartorsiutit taaneqartut allallu, inuusuttut ikiorneqarnissaminnut pisariaqartitsinerinut pissutaapput.

- Pissutsit tamakku ilungersunartumik tigusariaqarpagut. Inuusuttut arlallit ilungersunartunik ajornartorsiuteqarput tarnikkullu ikeqarlutik, tamakkulu anigornissaannut ikiorneqarnissaq
pisariaqartippaat. Qulakkiissavarput, inuusuttut tamarmik tusaaneqartutut ikiorneqartutullu misigissasut, Meeqqat Illersuisuat Aviâja Egede Lynge tusagassiutinut nalunaaruteqarluni oqaaseqarpoq.

Tarnikkut peqqissuuneq ukkanneqarpoq

MIO-p sulinermini meeqqat inuusuttullu tarnikkut peqqissuunerat ukkanniarpaa.

Tassunga tunngatillugu nalunaarusiami atuarneqarsinnaavoq:

  • Inuusuttut 6 procentii aliasukkaangamik saaffissaqartutut misigineq ajortut
  • 11 procentii sumut ikiortissarsiussanerlutik naluaat
  • Ilinniartut 22 procentiisa ilinniarnertuunngorniarfimmi siunnersuisartumit ikiorneqarnertik naammaginngilaat

MIO-p naqissuserpaa tarnikkut peqqissuseq timikkut peqqissutsitut pingaaruteqartigisoq, taakkulu imminnut atasutut isigineqartariaqartut.

- Kommunit aamma Namminersorlutik Oqartussat annertuumik akisussaaffigaat, inuusuttut neqeroorfigissallugit takutissallugillu sumi qanorlu ikiorneqarnissaq pisinnaatitaaffigisartik pisinnaaneraat. Tarnikkut peqqissuseq inuusuttut ineriartornerannut ilikkarniarneranullu annertuumik sunniuteqartarpoq, aammali inuusuttut nalinginnaasumik atugarissaarnerannut taamaasillunilu ullumikkut siunissamilu qanoq taakkununnga misiginitsinnut isiginninnitsinnullu sunniuteqartarluni​​​​​​​, Aviâja Egede Lynge oqarpoq.Formatering               

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER