Guinness: Arnaq 116-inik ukiulik Japanimiu nunarsuarmi utoqqaanersaavoq

Arnaq 116-inik ukiulik Japanimeersoq, kisitsisinik sungiusarnermik aamma tammoornermik nuannarisalik, Guiness Rekordbogimi nunarsuarmi utoqqaanersatut nersornaaserneqarpoq.

Kane Tanaka januaarip aappaanni 1903-mi inuuvoq. USA-p Theodore Rooseveltimik taamani ateqarpoq, qatanngutigiillu Wrightikkut nunarsuarmi siullersaallutik timmisartumik motorilimmik timminerisa nalinganni, Danmarkillu ministeriuneriligassaa Hans Hedtoft ulloq taanna inunngorpoq.

Nunarsuarmi inunni utoqqaanersaaneranik nutaarsiassaq arfininngornermi illoqarfimmi Fukuokami Japanip kitaani, utoqqaat illuanni najugaqarfigisaani nalliuttorsiutigineqarpoq. Illoqarfiup borgmesteria aamma aggerpoq.

Tassan inuunermini qanga nuannaarnerpaasimanerluni aperineqarpoq. Akivoq: ”Maannakkut”.

Kane Tanaka 1922-imi katippoq. Sisamanik qitornartaarpoq, tallimaallu meerarsiartaaralugu.

Ullaat tamaasa arfininernut itertarpoq, ualikkullu matematikkimi suliassat suliarisarpai aamma kusanartumi allattarpoq – tassa tuschimik kusanartumik allattarluni.

- Kanep sammisassani Othello pinnguarissallugit nuannarai. Pinnguaatit taakku klassiskiusut ilisimasaqarfigilersimavai, utoqqaat illuannilu sulisut ajugaaffigikkajuttarlugit, Guinness allappoq.

Japan tassaavoq nunat inuunertunerpaat ilaanniinnissamut naatsorsuuteqarfiusinnaasoq. Taakku ilagaa Jiroenmon Kimura, angut uumanertunerpaaq, 2013-imi 116-inik ukioqaleqqamerluni toqusoq.

Manna tikillugu nunarsuami utoqqaanersaasimavoq, franskeq Louise Calment, taanna Guinness naapertorlugu 1997-imi 122-nik ukioqarluni toquvoq.

/ritzau/AFP.