Gudmundur ’Gujo’ Thorsteinsson: - Inuit atugarliortut amerlanertigut kingulliunneqartarput
Nuummi Kofoeds Skole nutaamik pisortassarsiortussanngorpoq – Sermitsiamit Gudmundur ’Gujo’ Thorsteinsson ornittakkami ukiuni arfineq-marlunni pisortaasimanera pillugu oqaloqatigaarput.
Gudmundur ’Gujo’ Thorsteinsson inersimasutut inuunermi annersaani Kalaallit Nunaanniissimavoq. Islandimiup 1971-imi Kalaallit Nunaannut nuukkami sapinngisamik annerpaamik nammineq kajumissutsimik suliaqarnissaq anguniagassamisut siunniussimavaa. Ullumikkut kalaallimik nuliaqarpoq, kalaaliusutut misigisimalluni, kalaallinik ilaqutarpassuaqarluni meeraqarluni ernutaqarlunilu, nuunnissaminillu pilersaaruteqarnani.
Gujo Thorsteinsson Nuummi Kofoeds Skolemi 2016-imi ammarmalli pisortaasimavoq. Maanna Kofoeds Skole nutaamik pisortassarsiorpoq, kisianni Gujo Thorsteinsson ornittakkami ulluinnarni najuuttarnermit tammavinnavianngilaq. Apriilimi 74-iliissaaq, Gujo Thorsteinssonilu soraarninngornissaminik suli eqqarsaateqanngikkaluartoq, Kofoeds Skolemut nutaamik pisortassarsiornissamut piffissanngorsimavoq.
- Ingerlaannarsinnaagaluarpunga, kisianni ungasinnerusumik eqqarsaatigilluagaasumillu eqqarsaateqarpunga, allamillu pisortassarsiornissamut piffissanngorsimavoq. Pisortalli nutaap sungiussitiniarnissaanut piffissaq sivisulaassaaq, taamaattumik maaniikkallassaanga siunnersuisarlunga ilitsersuisarlungalu, oqaluttuarpoq.
Allaaserisaq tamaat Sermitsiami saqqummersumi kingullermi atuaruk, uani:
