KL

DK

Guðmundur – APF-imi pissaanilittaq

Islandimi Brim aalisartorsuarmik Guðmundur Kristjánssonimik siuttoqartoq Kalaallit Nunaanni aalisartitseqatigiiffiup Arctic Prime Fisheriesip politiinut nalunaarutigineqartussatut aarlerinartorsiorneranik ernummatiginnissimagunarpoq. Brim sapaatip-akunnerani kingullermi inunnik marlunnik Nuummukartitsivoq pissutsit qanoq innerannik paasiniaatitsiartorluni.

Guðmundur Kristjánsson imeersoq sinniisunik marlunnik Nuummukartitsisimavoq, politiinik nalunaarutiginninnissaq, naalakkersuisoqarfimmit sioorasaarutigineqartoq, pillugu paasiniaatitsiniarluni. Kisianni Jørgen Isak Olsenip taakkua marluk oqaloqatigerusussimanngilai. Taamaattumik Nuummi aalisarnermik ingerlatseqatigiiffinnik allanik oqaloqateqarsimapput Brim
redaktionen

Islandimi aalisartitseqatigiiffissuaq, Arctic Prime Fisheriesimi (APF) annertuumik soqutigisaqartoq, Kalaallit Nunaanni ingerlatseqatigiiffiup siunissanik suliffeqarfiullu politiinut nalunaarutigineqarnissaanik ernummatiginnikkunartoq, aviisipSermitsiap paasisimavaa.

APF pillugu pissutsit nuanniitsut eqqissisimannginnerlu sapaatip-akunnerani kingullermi Brimip, ingerlatseqatigiiffimmik piginneqataassuteqarluartup pisortaanerullu Guðmundur Kristjánssonip, aallartitanik marlunni Nuummukartitsineranik, kinguneqarpoq.

Angutit taakkua marluk Kalaallit Nunaanni aalisariutinik suliaqarfimmi aamma Namminersorlutik Oqartussani qanoq isumaqartoqarneranik paasiniaasussat tassaapput Torfi Thorsteinsson aamma Ariel Petturson.

Naalakkersuisoqarfiup oqaloqatigerusunngikkai

Gudmundur Kristjanssonilli aallartitai taamaallaat Kalaallit Nunaanni aalisariutaatileqatigiiffissuit sinniisuinik naapeqateqarput.

Islandimiut tikeraarnerminni Aalisarnermut, Piniarnermut Nunalerinermullu Naalakkersuisoqarfiup pisortaanik Jørgen Isak Olsenimik ataatsimeeqateqarniarsimagaluarput iluatsinngitsumilli.

Naalakkersuisoqarfiulli pisortaata Islandimiut oqaloqatigerusussimanngilai.

Naalakkersuisoqarfik kiisami sivitsullartorlu killissaminik nalunaarutiginnippoq aalajangerluni Arctic Prime Fisheries politiinut nalunaarutiginiarlugu akuersissutinut piumasaqaatinik taamalu aamma aalisarnermut inatsimmik unioqqutitsisimasutut. Aalisartitseqatigiiffilli nalunaarutigineqarsimanersoq nalunarpoq. Tassami naalakkersuisoqarfiup pisortaa Jørgen Isak Olsen suliami oqaaseqaqqikkusunnani Sermitsiamut oqarpoq.

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

inuiagatigiit aalisarneq piniarnerlu
Powered by Labrador CMS