Nuummi GU-mut sioorasaarineq
GU-mi ilinniartuusimasoq tigusarineqarpoq
Angut tarnikkut nappaatilik politiit Nuummi Kongevejimi tigusaraat
MALINNAASITSINEQ: Angut 28-nik ukiulik aallaasilik ilinniagaqarfinni aallaasersortunit isumassarsisinneqarsimavoq
Arfininngormat ualikkut nalunaaqutaq 16:27 Kongevej 11-mi inissiamut igalaaq politiit aserorpaat.
Nalunaaqutarlu 16:30 inuk, GU-mi ilinniartunut sulisunullu sioorasaarisimasoq, tigusarineqarpoq.
Suli ingerlatsipput
Inissiaq angutip nammineq najugaqarfigaa, tallimanngormallu taassuma ujarneqarneranut atatillugu politiit oqarput pineqartoq ´tarnikkut ajornartorsiuteqartarsimasuusoq´.
Angut ilinniarnertuunngorniarfimmi ilinniartuunikuusimavoq, tassanilu ullumikkut, arfininngornermi, ukiumoortumik festertoqartussaagaluarpoq. Ilinniarnertuunngorniarfimmit paasisat malillugit festernissaq kinguartinneqarpoq.
Qanittukkut assersuineq peerneqassaaq
Politiit Kongevej 11-mi suli suliaqarput, stabschef Lars Kirkegaard oqaluttuarpoq. Naatsorsuutigineqarporli assersuineq qanittukkut peerneqassasoq.