assammik arsarnermi GM
GSSip arnartai finalemut anngupput
Assammi arsarnermi pissartanngorniunnermi angutit mellemrundeqarnerat tallimanngornermi aallartissaaq
GSSip Nuummeersup arnartai 2010-miilli pissartaasut finalemut annguteqqipput. Kikkut finalemi unammiumaarnerat paasinarsissaaq NÛK Nuummeersoq aamma SAK Sisimiuneersoq arfininngornermi unammereerpata.
Takuuk: Assit: Assammik arsarnermi GM taamaasilluni pissanganarsivoq
GSSip siorna finaleqatigisani SAK Sisimiuneersoq arnat unammineranni sisamanngornermi unammivaa tassanilu 33-24-mik ajugaapput muminnermi 15-8-mik kinguaqqallutik. GSS taamaasilluni pingasoriarluni unammereerluni talllimanik pointeqarpoq. NÛK aamma pingasoriarluni unammereerluni tallimanik pointeqarpoq SAK-lu pingasoriarluni unammereerluni sisamanik pointeqarluni.
NÛK arfininngornermi SAKmut unammissaaq finalemut anngunniassaguni naligiiginnarneq naammagiinnarsinnaallugu, SAK-ili ajugaassappat Sisimiormiut taakku finalemut anngutissapput.
Unamminerit pikkunartut
Ajugaasut mellemrundernerat tallimanngornermi aallartissaaq tassani SAK Sisimiuniik aamma Nagdlúnguak Ilulissaniik unammissammata. Tassani Nagdlúnguak ajugaassaguni finalemut anngussinnaavoq. Nagdlúnguarli ajorsassappat kikkut finalemut anngukkumaarnissaat pissanganartorujussuanngorsinnaavoq
GSS aamma NÛK mellemrundemi unamminerup aappaani unammissapput. NÛK finalemut anngussinnaajumalluni neriuuteqassaguni pinngitsoorani ajugaasariaqarpoq pingasunngornermi Nagdlúnguamut ajorsarnikuugami.
Ajorsartut mellemrundeanni unammineq ataaseq tallimanngornermi pisussaavoq tassa Norsaq HC Aasianniit aamma K-33 Qaqortumeersoq unammissammata
Norsaq HC pissanganartumik QNQ-mut Qaanaameersumut sisamanngornermi unammivoq tassanilu QNQ 33-28-mik ajugaavoq.
Linkit talerpianiittut atorlugit inissinnerat iseritsinerpaallu allassimaffii aasinnaavatit
Aajuku sisamanngornermi angusat:
K-33 – SAK (angutit) 22-33 (5-20)
SAK – GSS (arnat) 24-33 (8-15)
Norsaq HC – QNQ (angutit) 28-33 (16-15)
Nagdlúnguak – NÛK (arnat) 32-11 (8-13)
Aajuku tallimanngornermi unamminissat:
Kl. 17.30 SAK – Nagdlúnguak (angutit)
Kl. 19.00 Norsaq HC – K-33 (angutit)
Kl. 20.30 GSS – NÛK (angutit)
Assammik arsarnermi GM-mit allaaserisat uani atuakkit