assammik arsarnermi GM
GSS marloriaammik pissartanngorpoq
GSS-ip arnartai angutitaalu assammik arsarnermi inersimasuni pissartanngorput
Assammik arsarluni pissartanngorniunnerni Nuummi ingerlanneqartumi GSS Nuummeersut arnartai angutitaalu nunatsinni pissartanngorput.
Arnat pissartanngorniunneranni GSS-ip illoqarfeqatitik NÛK 20-17-imik ajugaaffigaat.
Pingasunngormat unammimmata 19-19-imik naligiipput. NÛK-p arsartuisa ilaat Nauja Møller pissartanngorniunnermi peqataanngilaq arfininngornermi SAK-mut unamminermi mikileraata napinera pissutaalluni.
Angutit pissartanngorniunneranni GSS-ip Nagdlúnguak Ilulissaneersut unammivaat. GSS 39-28-mik ajugaapput.
Bronzennanniunnerit
Angutit bronzennanniunneranii NÛK SAK-mut Sisimiuneersunut 23-18-imik ajugaapput, SAK-llu arnartaat bronzennapput N-48-mut 47-19-mik ajugaallutik.
Assammik arsarluni GM pillugu ataasinngornermi Sermitsiaq.AG apersuinernik, assinik inernernillu amerlanerusunik saqqummiussissaaq.