assammik arsarneq
GSS Faxe Kondi Cupimi ajugaavoq
Arnat assammik arsarlutik unammisaqattaarneranni unamminerit kingulliit sapaatiummat ingerlanneqarput
Nuummi Faxe Kondi Cupimi unammisoqarnerani ajugaaniutivinnerit sapaatiummat ingerlanneqarput.
A-finalemi pissanganartumik ajugaaniutivittoqarnissaa naatsorsuutigineqaraluarpoq, kisiannili GSS sakkortuumik aallartinnerminnik tamanna allaanerutippaat.
Taamaammat muminnerup siorna GSS 18-5-mik ajugaavoq, unammineq naammassimmat GSS 33-15-mik ajugaavoq. GSS-ini Lykke Frank Hansen målernerpaalluni qulingiluaraarpoq, NÛK-mi Pilunnguaq Olsen arfinileraarluni målernerpaavoq.
Piukkunnartut takutitsillluartut
B-finalimi Talenholdet aamma Nuummi timersoqatigiit nutaat, Nanoq HK unammipput. Talentholdit GHF-imit siunissami inuusuttut piukkunnaatilittut isigineqartut Islandimut sungiusariarlutik angalannginnerminni unamminermut peqataapput.
Taakku aallartilluarput muminnermilu 15-10-mik siuaqqapput, tassani Ivalu Bjerge unammilluarpoq.
Muminnerup kingorna Nanoq HK allatut aaqqiipput, taamaalillutik Talentholdit aallartinneq ajulersillugit. Nanoq HK muminnerup kingorna 13-6-mik ajugaareerlugu ajugaapput, unammineq 23-21-mik inerneqarpoq.
20-nik målertoq
B-finali aallartinnginnerani GHF toqqagaat aamma GSS motionister unammipput.
Unammineq pissanganarsinngilaq GHF-mit toqqakkat aallartilluarmata. Taamaattumillu GHF-mit toqqakkat 35-19-mik ajugaapput, muminnermi 17--mik siuaqqareerlutik.
Nini Mølgaard unamminermi arsarluarnerpaavoq, 20-eriarluni målerami. GSS motionistini Malou Skifte arfineq-marloraarluni målernerpaavoq.
Sapaatiummat unamminernit assit Sermitsiaq.AG-p ullup ingerlanerani saqqummiutissavai