Grøntsaginik nunatsinni naatitsineq siuariartupiloorpoq
Greenlandic Greenhousemik aallartitsisut marlukfeeriarnissaminnut piffissaqanngillat. Sapaatip akunneranutakunnerni 80-ini sulisarput kålplantinik, salatiniknaasunillu mamarsaatissanik ikkussuillutik, imerterillutik,pussugutinik kipioraallutik, kaavitsitsillutik piiaallutillu,tamakkualu Nuummi, Sisimiuni Ilulissanilu neriniartarfinnutpisisartunullu tunineqartarput.
Nuussuarmi inuussutissarsiortoqarfimmi quersuannguami ikisivinni imermik imalinni meterinik takissusilinni silarsuaq qorsuk tupinnartoq takussaavoq. Salatit, kålplantit naasullu mamarsaatissat sanileriiaat, soorlu citronbasilikumit koreansk myntellu, inerikkiartornerat malillugu tulleriiaarsimapput.
Bakkini qaqqortariarsuit ipaguaannik oqorsarneqarsimasuni naatitassaniit ikisivinni imermik imalinni naatitanut inerilluarsimasunut, piiarneqarnissaminnut poortorneqarnissaminnullu piareersimasunut, tassanngaanniit pisisartunut kilometerialunnguamik ungasitsigisumiittunut aggiussassanngorlugit. Tassa sumiiffimmi naatitat nutaatut taaneqarsinnaasut.
Imeq atoqqillugu
Imeq, naatitat erngata ilaa minutsit pingasukkaarlugit imerterissummit taarserneqarlunilu iltilersorneqartarpoq. Tamanna naatitat sorlaasa ineriartornissaannut pingaaruteqarpoq. Imerteriviup illuani kuuffeqarpoq, naatitallu imermik 100 literimik imerterneqaraangata imeq taama annertutigisoq illuanut kuuttarpoq.
Tamatuma kingorna imeq kuutsitaq ruujorinut nakkutilliivinnut pumperneqartarpoq, tassani qarasaasiakkut pH-værdia naggorissaatillu nalinga uuttortarneqartarput, taavalu amigaataanik akoriarlugit imeq atoqqinneqartarpoq.
CO2 imerlu atorneqartartut
Illu kialaarpoq, matu ammagaluartoq silalu qerinnartunnguleraluartoq. Tamatumunnga pissutaapput qulliit kiassaatit, tamakkualu naatitat inerikkiartornissaannut aalajangiisuulluinnarput. Erngup nakkartillugu salinneqartarneranut naatitsivimmi silaannaq salinneqartarpoq silaannarmik saliissutit atorlugit, ini sapinngisamik minguitsuutikkumallugu.
– Naatitat qorsuit qaamarngup nukinga atortarpaat CO2 imerlu sukkunngortillugit iltinngortillugillu. Ilaanneeriarlut uuttortarpara inip CO2-qassusia silamit affaannarmik annertutigisartoq, Rasmus Jakobsen oqaluttuarpoq, taassumalu Nuummi naatitsiviliornissaq isumassarsiarisimavaa Rockwoolfondenimit nalunaarusiami atuaramiuk paarnat naatitallu, Danmarkimit Kalaallit Nunaannut assartorneqarnerminni ilarpassui kasiilerneqartartut.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: