Skip to main content

Grønlandsbankenip ukioq nutaaq aallartilluarpaa

Nunatsinni aningaaseriviit annersaat 2018-imi kvartalimi siullermi aallartilluarpoq

Grønlandsbankenimi aningaasaqarnikkut angusat pitsaasut nanginneqarput.

Tassami aningaaserivik nalinik nalimmassaanerit nalikilliliinerillu pitinnagit, kvartalimi siullermi 38,6 millionit koruuniullutik 2017-imi kvartalimi angusat 38,1 millionit koruuniusimallutik. Angusat akileraarutit pitinnagit kvartalimi siullermi 34,1 millionit koruuniullutik, 2017-mi kvartalimi siullermi angusat 38,2 millionit koruuniusimallutik.

Aningaaserivik tusagassiuutinut nalunaarummi taama ilisimatitsivoq, angusarlu ‘naammaginartutut’ oqaatigineqarpoq.

- Isumarput malillugu ukiup kvartaliisa siullianni angusagut pitsaapput. Minnerunngitsumik naammagisimaarnarpoq erniasiat ilanngaatissat ilanngaatigereerlugit qaffarialaarmata naak obligationinit erniasiaasut appariartoraluartut. Tamanna anguneqarpoq taarsigassarsiissutit qaffannerisigut taamallu erniasiat erniatigullu aningaasartuutit nikingassutasa allanngungaannginnerisigut. Soorunalumi tamanna naammagisimaarluarparput tassuuna unammillersinnaassuserput takutinneqarmat, aningaaservimmi pisortaq Martin Kviesgaard, tusagassiuutinut nalunaarummi oqarpoq.

Kvartalimut naatsorsuutit taarsigassarsisitsinerit suli killeqarnerusumik annertuseqqipput sillimmasiissutillu 97 millionit koruunit missinginut inissillutik.

Naatsorsuutigisat allanngorneqanngitsut

Ilanngaatissat ilanngaatigereerlugit erniasiat katikkaanni akiliutisiallu ilanngukkaanni qaffaatit 1,4 millionit koruuniulerput angusallu 78,8 millionit koruuniulerlutik. Tamakkiisumillu aningaasartuutit naleerutsitsinerit ilanngullugit, ukiup siulianut 2017-imut sanilliullugit, 1 millionit koruuninik amerleriarput 41,6 millionit koruuniulerlutik.

- Aningaasaqarnikkut ingerlaneq pitsaasumiippoq minnerunngitsumillu Nuummi inissianik niuernerit sukkasuumik ingerlapput. Raajarniarnerlu isumalluarnartumiippoq Nuummilu, minnerunngitsumillu Ilulissani, sanaartornerit pitsaasumiillutik.  Grønlandsbankenimi maanna taarsigassiissutit iluini annaasat appasissumiipput taamatullu takuneqarsinnaalluni sullissat naammaginartumik ingerlasut. Akiliisinnaassuserlu qiviaraanni aningaasaatit pisariaqartinneqartunit marloriaammik amerlanerupput. Taamaattumik ineriartornerup naammaginartumik ingerlanissaanik naatsorsuutiginninnerup saniatigut isumalluarpugut, Martin Kviesgaard nassuiaavoq.

Grønlandsbankenimit 2018-imi angusat 120 – 140 millionit koruunit missinginiinnissaannik  naatsorsuutigininneq attatiinnarneqarpoq. Ukiup siuliani 2017-imi akileraaruteqarneq pitinnagu angusat 133 millionit koruuniupput.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER