Panam 2018

Grønlandsbanken PANAM2018-mut aningaasaleeqataavoq

Grønlandsbanken Guldsponsoritut assammik arsarnermi unammersuaarnissamut aningaasaliisuussaaq

s administrationsdirektør, Carsten Th. Pedersen (tv) og projektleder for PANAM 2018, Poul Petersen Grønlandsbanken

Aningaasaliisuussagaanni guldsponsorimik taaguutilimmik 350.000 koruuninik, nammineq piumassusermik suleqataanermik aallartitsinikkut ilisimasanilluunniit atorluarneqarsinnaasunik sunneeqataanikkut tapersersuisoqarsinnaavoq, Grønlandsbankenimit Peter Fleischer Rex ilisimatitsivoq.

Grønlandsbankenip allaffeqarfiani pisortap Carsten Th. Pedersenip pisussamut taama annertutigisumut tapersersuisinnaaneq nuannaarutingaa.

- Panam2018 Kalaallit Nunaanni timersornikkut pisussanut -qaqugumut annerpaajumaartussanut ilaavoq. Suliassaq taama annertutigisoq sulisussaqarluarnissamik aningaasassaqarluarnissamillu piumasaqaateqarpoq. Taakkununngalu marlunnut GrønlandsBANKEN soorunami tunniusseqataassaaq, Carsten Th. Pedersen oqarpoq.

Suliassamut Panam2018-mut aqutsisuusup Poul Petersenip GrønlandsBANKENip suliffeqarfiillu namminersortut allat suleqatiginissai, suli assap taama annertutigisup iluatsilluarnissaanut pingaaruteqarluinnartuusutut isigaa.

- Unammersuarnissat De panamerikanske mesteskaber sulisussanik amerlasuunik pisariaqartitsipput, taamaattumik immikkut ittumik pingaaruteqarluinnartutut, suliffeqarfiit namminersortut sulisussatigut aningaasatigullu nalunaaruteqarnissaat pisariaqarpoq. Kalaallit Nunaanni aningaaseriviit annersaata, timersornikkut pisussamut taama annertutigisumut, aammaarluni aningaasatigut sulisussatigullu tapersersuiniarnerata Panam2018-ip iluatsinnissaa, sutigut tamatigut ajornannginnerulersippaa.

Grønlandsbankenip ukiut tamaasa peqatigiiffiit, klubbit suliassallu iluarsartuullugu pilersaarusiat (projekter) aningaasaqarniarnikkut sulisoqarniarnikkullu tapersersortarpai. Pisoq kingulleq annertulluinnartoq Grønlandsbankenip aningaasatigut tapersersuiffigisaa - Nanoq-sponsor, tassaavoq AWG2016.

Powered by Labrador CMS