Skip to main content

Grønlandsbankenip Nunamineralsimik ajunaaruteqareersoq: Ugguanngilagut

Nunatsinni bankit annersaat Nunamineralsimut millionit affaat annaavai. - Nunamineralsimut aningaasaliinerput uggornartutut isiginngilarput, bankimi pisortaq Martin Kviesgaard oqarpoq

Nunaminerals A/S qanoq ingerlariaqqissanersoq suli ilisimaneqanngilaq. Aningaasaliisunik suli ujaasisoqarpoq suliffeqarfiup aningaasaqarnera iluarsiniassammat. 

Nunamineralsip aktiaasimi nalingi annikilliliinerat Grønlandsbankenimut qanoq naleqarnersoq Sermitsiaq.AG-mit apeqqutigineqarpoq. 

- Nunamineralsip 1999-mi aallartisarnerani annikitsumik aningaasaliivugut. Taanna pereersoq aktiaatimi nalingi qaffappaat. Aktiat  50.000-itit ataatsimut 50.000 koruuninik naleqarput decembarimi. Aningaasaliissutitsinnut millionip affaanik annaasaqarnerput amerlavallaanngitsunik annaasaqarnertut isigaarput, bankimi pisortaq Martin Kviesgaard oqarpoq. 

Nunaminerals misiliisareertoq
- Nunamineralsimut aktiaatisi qanoq ullumikkut naleqartigaat?

- Siulersuisut immikkut ataatsimeereernerisa kingorna naleqarpallaarsimanavianngillat. Annaasagulli amerlanngitsuusut nalilerparput. Aningaasaliinerput uggornartutut isiginngilarput. Nunamineralsi suliaqarpoq imaannaanngitsumik, Kalaallit Nunaannilu aatsitassaqarnera avammut takutillugu. Aatsitassarsiorneq imaannaanngitsuuvoq, tamanna aamma nunani allani takuneqarsinnaavoq. Aatsitassarsiorniaraanni pikkorissuusariaqarpoq iluatitsisoqartariaqarlunilu, bankimi pisortaq oqarpoq. Nunamineralsip siunissaa qanoq isikkoqarnersoq oqaatigerusunngilaa. 

- Nunaminerals poorskimi suli atuutissasoq naatsorsuutigaajuk?

- Nunaminerals bankimit sullinneqartuuvoq. Sullitavut qanoq inissisimanersut oqaaseqarfigisinnaanngilara, aamma suliffeqarfiup inissisimanera oqaaseqarfigisinnaanngilara, Martin Kviesgaard oqarpoq.

Nunaminerals A/S-ip aktiaataat aktiamut ataatsimut 5 koruunimit 10 oorinut appartinneqarpoq. Suliffeqarfiup nammineq aningaasaatai 137.954.700-ninit 2.759.094 koruuninut appartinneqarput, taakkulu annaasanut matussusissapput. Nunamineralsip siulersuisuisa ataatsimiinnerat Hotel Hans Egedemi Nuummiittumi immikkut ittumik ataatsimeersuarnerannit taamatut aalajangertoqarpoq.

Nunaminerals pillugu annertunerusumik aviisimi Sermitsiami atuarsinnaavutit. Aviisi ataani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER