Skip to main content

Grønlandsbanken naalagaaffeqatigiffiup iluani isumannaannerpaat pingajuattut inissisimavoq

Nunatta aningaaserivia naalagaaffeqatigiffiup iluani isumannaannerpaat ilaattut toqqarneqarpoq

Danske Bank 24-attut inissisimavoq Nordea 21-attut inissisimalluni. 

Tamanna Bank Researchip misissuinermit nutaamit atuagassiaq Børsenip saqqummiussaani takuneqarsinnaavoq.

Grønlandsbanken naalagaaffeqatigiffiup iluani aningaaseriviit 70-it akornanni isumannaannerpasutut inissisimasut pingajuattut inissinneqarsimavoq.

Misissuinermi Nunatta aningaasiviata inissinneq Sparekassen Thylu naligiissutigalugu avippaat taamaallaallu Fanø Sparekassemit aammalu Klit Sparekassemit qaangerneqarsimallutik.

Bankit ingerlalluartut
Bank Researchip tulleriiaarisitsisimera immikkut ilisimasalinnit aningaaserivinnut pingaaruteqarluinnartutut taaneqarsimavoq.

- Inuinnartut ataasikkaatut atuisutut imal. suliffeqarfiutilittut tulleriiaarisimaneq misissuataassallugu assut soqutiginartuuvoq, taannami atorlugu nalilersuisoqarsinnaammat, aningaaseriviit sorliit atorlugit aningaasaatit pitsaanerpaamik inissinneqarsinnaasut. Tassa aningaaservinni aningaaserinerup iluani isumannaalluinnartutut inissisimasuni, Peter Nyholm.

- Erseqqilluinnartumik takusinnaalerpat aningaaseriviit sorliit pineqartut akornanni ataasiakkaat qanoq isumannaatsigisumik inissisimanersut, taamatullu tulleriiaarinermik takussutissiaq sakkussaqqissuuvoq. Pitsaasuuvormi ilisimassallugu aningaaserivittut atugarisaq peqqissuunersoq imal. sanngiitsumiinnersoq, aningaasaatigisat siunissaq isigalugu isumannaatsumiitinnissaat aammalu aktiatigut aningaasaliissutigisimasat isumannaatsumik inissisimatinnissaat qulakkeerumallugu, Peter Nyholm naliliivoq.

Grønlandsbanken angusarissaartoq
Bank Researchip nalilersuinera misissuinissami tunngavissiat 21it aallaavigalugit suliaavoq, tassani soorlu assersuutigalugu ilaapput aningaaseriviit aningaaseriviup erniortitsilluarumalluni qanoq inissiillaqqissusia, akiliisinnaassuseqarnera aammalu ukiumut naatsorsuutini tunngavittut angusaasa naatsorsorneqarsimaneri. Misissuinerlu tikkuussivoq, uuttuutit atorneqartartut tamaasa tunngavigalugit Grønlandsbanken isumannaatsumik inssisimalluinnartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER