Skip to main content

Grønlands Rejsebureau rekordileeqqittoq

Kalaallit Nunaata angalatitsivia aatsaat taama angusarissaartigaaq 2014-mi

Ukioq 2014 Kalaallit Nunaata angalatitsivianut Grønlands Rejsebureaumut angusaqarfiulluarpoq. 

Grønlands Rejsebureau aatsaammi taama angusarissaartigaaq. Takornarialerineq 2014-mi ineriartorluartoq suliffeqarfiup pisortaanerata Peter Bastrupip nalunaarutigaa. 

Sulinermut atatillugu aamma inuit angalasarnerat amerleriaateqarsimasut nalunaarutigaa. Sullinneqartut 2014-mi aamma amerleriaateqarput. 

Tassami sullissineq 18 procentimik qaffariaateqarpoq, tamanna anguneqarpoq naak Nunatsinni sullissineq annertuseriarsimanngikkaluartoq. Kalaallit Nunaanni pisortat suliffiutaannut sullinneqarnerat amerleriarput, Peter Bastrup ilisimatitsivoq.

Ineriartorneq
Grønlands Rejsebureaup takornarianut sullissinera 16 procentimik qaffariarpoq, tamannalu Air Greenlandimik suleqateqarnerulernerup kinguneraa. 

- Ukiumi takornariaqannginnerpaaffimmi takornariaqarnerulernera ineriartornermut pissutaaqataavoq. Hotelinut takornarialerinermullu suliaqartunut aamma tamanna takuneqarsinnaavoq, Grønlands Rejsebureaup pisortaanerata Peter Bastrupip tusagassiuutinut nalunaarutigaa. Nunanit allaneersut angalanerulersimanerat aamma nalunaarutigaa. 

Angalatitseqatigiiffiup ukiuni angusai tamanut aatsaat saqqummiunneqarsinnaapput suliffeqarfissuup Air Greenlandip naatsorsuusiani tamarmiusut saqqummiuppagit, naatsorsuutigineqarporlu tamanna pissasoq marsimi.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER