Greta Thunberg politiinit peersitaasoq: Saamit pillugit akerliussutsimik takutitsisoq
Silamik avatangiisinillu illersuiniarlutik akerliussutsimik takutitsisut Norgemi ministereqarfinnik arlalinnik assersuisut, pingasunngornermi ullaap tungaani Norgep illoqarfiisa pingaarnersaanni aningaasaqarnermut ministereqarfiup eqqaanit peersinneqarput.
Annonse
Akerliussutsimik takutitsisut Oslomi aningaasaqarnermut ministereqarfimmit peersinneqartut ilagaat, svenskeq silamik illersuiniartoq Greta Thunberg.
Ministereqarfimmit kivillugu peersinneqarpoq, taassumalu tusagassiorfinnik oqaloqateqarumanani sumiiffimmit qimaguppoq.
Saamit aamma illersuiniaqatigiit allat, Norgemi sumiiffimmi Saamit tuttuutaasa ivigartortarfianni anorisaatit peerneqarnissaat piumasaraat.
Trondheimip avataani Fosenimi anorisaateqarfiit marluk Saamit pisinnaatitaaffiinik unioqqutitsisut, Norgemi eqqartuussiviit qullersaata aalajangerpaa.
Anorisaatit suli ingerlapput.