Greenpeace
Greenpeacep Qaqortuliarnissani taamaatiinnarpaa
Greenpeace Nuummi innuttaasunit takuniarneqarsinnaassaaq ataasinngornerup unnukkuani. Greenpeacep Qaqortumut angalanissani taamaatippaa
Greenpeacep Nuummiinnermi atatillugu kikkunnut tamanut takuniarneqarsinnaassaaq nalunaaqutaq 15.00-mit 19.00-ip tungaanut ullumi ataasinngornermi.
Soqutiginnittut umiarsuaq Arctic Sunrise takusarsinnaavaat.
- Silarlunnera pissutigalugu Qaqortuliarsinnaanngilagut. Sila pissutigalugu aamma angalanissarput kinguartinneqareerpoq. Taamaammat Nuummit ingerlaannartumik Tunumukassaagut, Greenpeacemit Jon Burgwald Sermitsiaq.AG-mut oqarpoq.
Misissuisoqarnera isoraat
Kalaallit Nunaata avannaani uuliasiornissamut misissuisoqarnissaanut atatillugu Greenpeace Nunatsinniippoq. Misissuinissat eqquerujussuarsinnaanerat paasissutissiissutiginiarlugu angalapput.
KNAPK-p uuliasiornissamik misissuinissat Greenpeacep assinganik isornartorsiuereerpoq.
Tunumi aamma uuliaarluartoqarneranut atatillugu Greenpeace ikiueqataasinnaanini nalunaarutigisareerpaa.