Green: Målmandit unamminerat VM-imi pissartanngorniutivinnermi aalajangiisuussaaq

Danskit aamma norskit målmandii nunarsuarmi pissartanngorniunnermi pitsaanerit akornanniipput, pissartanngorniutivinnermilu pingaaruteqassapput.

Angutit assammik arsaallutik nunarsuarmi pissartanngorniutivinneranni Norge aamma Danmkark unammissapput. Mikkel Hansenip aamma Sander Sagosenip akornanni unammineq, kisianni aamma målmandip akornanni unamminerussaaq.

Norskeq Espen Christensen aamma qallunaaq Niklas Landin nunarsuarmi pissartanngorniunnermi målmandit pitsaanerpaat allattorsimaffianni siullertut aamma tullertut inissisimapput.

Espen Christensen agguaqatigiisillugu annaasisarnera 39 procentimiippoq, Landinip 38 procentimiilluni.

Danmarkip målmandiata aappaa, Jannick Green, allattorsimaffimmi arfernattut inissisimavoq, unamminerni qulingiluani annaassineri 36 procentiullutik.

- Unamminerni amerlasuuni Niklas inissisimalluartarpoq, iluatsippallaanngikkaangallu isertinneqartarpunga, naammattumillu tapertaasarlunga isumaqarpunga, Jannick Green oqarpoq.

Kisianni aamma norskit måliniittuisa pitsaassusaat tupigusuutigaa, taamaattumillu ajugaanniutivinnermi danskit måliniittut pitsaassusertik eqqorluarnisaat pingaaruteqartoq, taanna oqarpoq.

- Målmandit unamminerat aalajangiisuujuaannarpoq. Unammisassagut pikkorissunik målmandeqartillugit, tassani unammineq ajugaanissaa oqaluuserisarparput. Tamanna tamaviaarfigissavarput, tassami isumaqartorujussuummat.

- Imaanngilaq tamatuma kisimi aalajangissagaa. Unamminerup iluani unammineq ilagiinnarpaa. Tassanilu tigusilluarsinnaagutta, taava iluaqutissarujussuaqassaagut, Green oqarpoq.

Powered by Labrador CMS