Greenland Venture Pituffimmi suliniummut aningaasaliissuteqartoq
Vækstfonden Greenland Venturelu aalajangersimapput, Pituffiup eqqani aatsitassarsiornissamut 35 millioner koruunit missaannik aningaasaliissuteqarniarlutik.
Aningaasaliissutit aveqqinnaarneqarsimapput, Investeringen er ligeligt fordelt, Bluejayt Mining plc.-mullu tunniunneqassallutik
Tusagassiorfinnut nalunaarummi ilisimatitsissutigineqarpoq, Pituffiup eqqaani aatsitassarsiorfigineqarniartoq “ilmeniteqarnissaanik, tassa titaniumoxidimik qalipaatit, pappialat plastikkillu qalipaatitaqarnissaannut pingaaruteqartumik tunisassiornermi atorneqarsinnaasumik” ilimanaateqarluartoq.
Høy ineriartorluartoqarnissaanik ilimagisaqartoq
- Ilmenitep pitsaalluinnarnera aamma tunisassiassatut ilimanaateqarluinnarnera pissutigalugit suliniut soqutiginarluinnarpoq, Karsten Høy, Greenland Venturemi pisortaaneq aningaasaliissutqarnissamut tunngaviusoq pillugu oqarpoq:
- Suliniutip Avannani suliffissaqartitsinissaanut peqatigitillugu niuernikkut ineriartorluartoqarsinnaanera takusinnaavarput. Kalaallit Nunaanni aatsitassarsiornerup annertusiartornerani tamanna suliniutaavoq pissanganartoq, peqataanissarpullu pissusissamisoortutut isigaarput.
Suliffissat nutaat
Vækstfondenimi pisortaq Rolf Kjærgaard aningaasaliissuteqarnermut tunngatillugu imatut oqarpoq:
- Bluejay Miningimut aningaasaliissuteqarneq, taakkulu sulisui misilittagartuut ikiortigalugit Kalaallit Nunaata avannaata kitaani aatsitassarsiorneq ineriartortissavarput, ineriartortisineq suliffissanik pilersitsissaaq sumiiffimmilu niuernikkut annertuumik suliaqartoqalerluni, tassa misissuinermi piiaarnermilu. Pituffiup eqqaani suliniut ingerlalluarpoq pitsaanillu angusaqarfioreerluni. Greenland Venture peqatigalugu aningaasaliissuteqaqqissimanerput, Kalaallit Nunaanni aatsitassanik piiaanermi aatsitassarsiornimilu aningaasarsiorfiuluarsinnaasumik takutitsisoq nuannaarutigaarput.
Aningaasat millionilikkaat tunisassiulivinnissaq anguniarlugu suliniummik inerisaanermut atorneqassapput.
Aatsitassarsiornermut allamut aningaasaliissuteqarneq
Aningaasaliissuteqarneq Vækstfondenip Greenland Venturellu suleqatigiillutik aningaasaliissuteqarnerisa tulleraat. AEX Gold Inc.-mut, Kujataani kuultisiorfimmik Nalunamik ammaaqqinniartumut siullermik aningaasaliissuteqarsimanerat ukioq manna siusinnerusukkut tamanut saqqummiunneqarpoq.