Greenland Rubymik isumaqatigiissut atorunnaarsinneqarsinnaanngilaq
Qeqertarsuatsiaani piiaanissamut tunngatillugu Greenland Rubymik isumaqatiginninniarnerit qanoq ingerlanersut Aqqaluaq B. Egedep oqaaseqarfigerusunngilai. Isumaqatigiissutilli malinneqarnissaat naqissuserpaa. Isumaqatigiissutit aamma Greenland Rubymit malinneqassapput.
Suleqatigiinnissamut isumaqatigiissut atorunnaarsinneqarsinnaanngilaq.
Isumaqatigiissut allanngortinneqassappat Greenland Ruby, Kommuneqarfik Sermersooq aamma Namminersorlutik Oqartussat isumaqatigiinneratigut IBA-mik isumaqatigiissut allanngortinneqarsinnaavoq.
Greenland Rubymit isumaqatiginninniarnermi saqqummiisoqarnerani Qeqertarsuatsiaarmiunut atukkat ajornerulissasut takuneqarsinnaammat kommunimit isumaqatiginninniarneq tunuarterfigineqarpoq. IBA-mik isumaqatigiissut naapertorlugu aningaasaateqarfimmut Greenland Rubymiit aningaasaliissutaassasut pisussaaffigineqarpoq. Tamanna pisimanngilaq suliffeqarfimmiillu isumaqatiginninniarnermi pisimanngitsut qatangiinnartinneqarnissaat siunissamilu pisussaaffiiarnissaq siunertarineqarluni.
Greenland Ruby aggustimi nutaamik isumaqatigiittoqarnissaa siunnerfigalugu isumaqatiginninniaraluarpoq. Isumaqatiginninniarnerit suli aallartinngitsut Sermersooq isumaqatiginninniarnermi peqataajunnaarpoq. Kommuni isumaqarpoq IBA-mik isumaqatigiissutit suliffeqarfimmiit kissaatigineqartut kisiisa malinneqartassappata siunissami aatsitassarsiorniarluni suliniutinut annertuumik kinguneqassasoq.
Naalakkersuisut suliami inissisimanerat
Kommuni taamatut oqariartuuteqareersoq Marianne Paviassen Naalakkersuisumut Aqqaluaq B. Egede-mut paragraf 37 naapertorlugu apeqquteqarpoq.
Greenland Ruby-ip Kommuneqarfik Sermersuumut isumaqatigiissutaa naammassineqarnissaa siunertaralu Naalakkersuisut aatsitassarsiorfimmut qanoq iliuuseqarniarnersut Marianne Paviassen apeqquteqarpoq.
- Namminersorlutik Oqartussat isumaqatigiissummi suleqataasut allat qulaatiinnarlugit aalajangiisinnaanngilaq imaluunniit aalajangiiniarani. Tusagassiuutiniit paasivara isumaqatigiissummi suleqataasut marluk allat taakkua suliaq pillugu tusagassiortunut oqaaseqarsimasut. Isumaqatigiissummi suleqataasut allat marluk taakkua ataqqillugit, tamat aqqutigalugit isumaqatiginninniamianngilanga, Aqqaluaq B. Egede oqarpoq.
Isumaqatigiissutaasut pillugit naalakkersuisoq oqaaseqarpoq.
- Taamaattoq suleqatigiinnissamut isumaqatigiissut ataatsimut isigalugu nammineq isummemera pillugu ataatsimut isigalugu oqaaseqarusuppunga. Siunissami suleqatigiinnissamut isumaqatigiissuterput atuutsitsinissamut killissaliussanik ersarinnerusunik imaqallaqquara, ilanngullugu Naalakkersuisut sakkussaasivianni sakkussat pinngitsoorani atomeqartussaannaat saniatigut sakkussat allat amerlanerusullu ilanngunneqarlutik: Piiaanissamut akuersissut uterteqquneqarsinnaalluni.
Innuttaasut oqaloqatigissavai
Taamatut Greenland Ruby suleriuseqaannassappat borgmesterip Avaaraq Olsenip naalakkersuisut piiaanissamut akuersissutip utertinneqarnissaa neriutiigaa. Taamaasiortoqarsinnaanera Aqqaluaq B. Egedep mattutinngilaa, isumaqarpormi unioqqutitsinerit uteqqittuartut akuersaameqarsinnaanngitsut.
Siunissami inuiaqatigiit aningaasaqamerannut suliassaqarfik tamaat
eqqarsaatigeqqinneqassasut naalakkersuisoq oqarpoq, taamaalilluni tamanna innuttaasunut
qaninnerulersinneqassalluni aammalu aatsitassarsiomermik
inuussutissarsiuteqarnermut atugassarititaasut aalajaatsuussasut - kisianni suli
aalajangersimasuussasut - piumasaqaatigineqarluni. Tamanna siunissami Aqqaluaq B. Egedep
sulissutiginiarpaa.
- Taamaattoq isumaq atigiissutigineqareersut eqquutsinneqassasut, tamatumani allanngortinneqanngilaq. Tamanna suleqatigiinnissamut isumaqatigiissummut 16. juni 2014-imeersumut aamma atuuppoq.
Qanittumi suleqatigisat akuutinneqartut, ilanngullugu Kommuneqarfik Sermersooq, oqaloqatigalugit pisut paasisaqarfiginiassavai, tamatumalu kingorna Qeqertarsuatsiaani innuttaasut tikeraarlugit oqaloqatigalugit.