Skip to main content

Greenland Ruby Kommuneqarfik Sermersuumit Naalakkersuisunillu naammagineqanngitsoq

Aatsitassarsiutileqatigiiffik Greenland Ruby Qeqertarsuatsiaani innuttaasunut miliuunilikkaanik akiitsoqarpoq. Naalakkersuisup borgmesterillu akiliuteqartoqarsimannginnera suliallu ingerlateqqinneqarnissaa maanna oqaloqatigiissutiginialerpaat.

Greenland Ruby-p IBA pillugu isumaqatigiissummi pisussaaffimminik sumiginnaasimanera naammaginanngilaq. Taamatut akissuteqarluni allappoq Kommuneqarfik Sermersuumi borgmesteri Avaara S. Olsen.

Aatsitassarsiutileqatigiiffik Qeqertarsuatsiaani innutaasunut halvanden million koruuninik akiitsoqarpoq. Aningaasat - nunaqarfimmi aqutsisut siulittaasuat Ingvar Motzfeldt naapertorlugu - peqatigiiffilerinerup siuarsarneqarnissaanut atorneqarsinnaasimagaluarput.

Akiliutqarsimannginneq ingerlatseqatigiiffimmut kinguneqartinneqassanersoq pillugu apeqqummut atatillugu borgmesterip ilisimatitsissutigaa, kommunimit Namminersorlutillu Oqartussanit Greenland Ruby aggustip naanerani ataatsimeeqatigineqarniartoq, tassani akiliuteqarsimannginneq oqaluuserineqassalluni.

- Suliap qanoq pineqarnissaa isummerfigitinnagu oqaloqatigiinnitsinni angusassat utaqqimaarpakka.

Aaqqiiffigineqassasoq

Borgmesteri nunaqarfimmilu aqutsisut siulittaasuat kisimik Greenland Rubymik naammaginninngillat. Aatsitassanut Inatsisinillu Atuutsitsinermut Naalakkersuisup Aqqaluaq B. Egedep ilisimatitsissutigaa, IBA pillugu isumaqatigiissutip isumaqatiginninniutigeqqinneqarnissaata qanittukkut pinissaa naatsorsuutigineqartoq. 

- IBA pillugu Greenland Ruby-mik isumaqatigiissuteqarneq siullersaavoq, tamatumalu erseqqilluinnartumik takutippaa, aallaqqaataaniilli naatsorsuutigisimasavut naammassineqavissimanngitsut.

Aqqaluaq B. Egedep oqaatigaa, pissutsit pineqartut aaqqiiffigineqassasut.

- Siumut isigaluguta pitsaanerusumik eqaannerusumillu IBA pillugu isumaqatigiissuteqassaagut, isumaqatigiissulli tamanit malinneqassaaq.

IBA pillugu isumaqatigiissut Namminersorlutik Oqartussanit, kommunimit Greenland Ruby-millu ukiut arfineq-pingasut sinnerlugit matuma siornatigut atsiorneqaraluartoq, aatsitassarsiutileqatigiiffiup isumaqatigiissut malillugu ukiumoortumik nunaqarfimmut akiliutigisarniagai 250.000 koruuniusut innuttaasunit takuneqarsimanngillat.  

Taamaakkaluartoq Aqqaluaq B. Egede isumaqarpoq, IBA pillugu isumaqatigiissut aatsitassarsiutileqatigiiffiup najukkamilu innutaasut akoranni pingaaruteqartupilussuusoq, tassa "sapinngisamik pitsaanerpaamik suleqatigiittoqarnissaanut" pingaaruteqarluinnarami .

Kukkussutini ilinniarfigisimagai

 Borgmesteren i Kommuneqarfik Sermersuumi borgmesterip Naalakkersuisoq assingalugu piumasaqaatigineqartut isumaqatigiissutaasussani aaqqiiffigineqarnissaat kissaatigaa.

- Aatsitassanut inatsit nutaaq tunngavigalugu IBA pillugu isumaqatigiissut siullersaavoq, taamaammat soorunami pitsaanerpaanngilaq. Kommunimit Namminersorlutillu Oqartussanit kukkussutigineqarsimasoq ilinniarfigineqarpoq: 

Qularinngilara IBA pillugu isumaqatigiissutissani ilikkarsimasavut eqqarsaatigineqassasut.

Avaaraq S. Olsenip ilisimatitsissutigaa, nunaqarfimmi aqutsisut ingerlaavartumik oqaloqatigisarlugit, tullissaanillu siulersuisunik ataatsimeeqateqaleruni suliaq pineqartoq oqaluuserisassanngorinniarlugu. 

-Ataatsimeeqatigiinneq naammassippat soorunami nunaqarfimmi aqutsisut aamma ilisimatinneqassapput. 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER