Skip to main content

Greenland Minerals siunissaminik tamaviaarutiginnittoq 

Greenland Mineralsip akuersissummut tapiliussaq 2011-meersoq, piiaanissamut qinnuteqaatertik naalakkersuinikkut aqutsinikkulluunniit pissutaasut tunngavigalugit itigartinneqassagaluarpat taarsiivigeqqunissamut qinnuteqarnissamut periarfissaminnik atuiumanngiffigisartik, isiginiarusunngilaa. Taarsiullugu Aatsitassanut Inatsimmi piumasaqaatinik naammassinnissimanertik innersuussutigaat. 

Aatsitassarsioqatigiiffik Greenland Minerals naalakkersuisoqatigiinnissamut isumaqatigiissummi ”Kuannersuarni aatsitassarsiornissamik suliniutip unitsinneqarnissaa”-nik allassimasoqarneranik erloqinartorsiortinneqarusunngilaq, aviisi Sermitsiaq allappoq. 

Tusagassiuutitigut nalunaarummi sapaatip-akunnerani kingullermeersumi aatsitassarsioqatigiiffiup pisortaata Australiamiup, John Mairip, naalakkersuisunngortut qinigaanerannik pilluaqquai, suliniutillu inaarutaasumik ilusilersorneqarnissaa pillugu Naalakkersuisunik nutaanik naapeqateqarnissani qilanaarigini ersersillugu.

Aatsitassarsioqatigiiffik nammineq naatsorsukkani naapertorlugit aatsitassarsiornermik suliniutip, Aatsitassanut Inatsisimmi sinaakkutissat iluanniittutut isumaqarfigisamik, ineriartortinnissaanut ukiuni 14-ini 400 millioner koruuninik atuisimavoq. 

Angalanernut peqataasartoq

”Suliniutip annertuup politikerinut qinigaarlaanut sukumiisumik ilisaritinnissaa qilanaaraarput, suliniutip periarfissarititaanik Kalaallit Nunaannilu inuiaqatigiinnut tunniussassaanik nalilersuisinnaaniassammata”, John Mair allappoq Kalaallit Nunaatalu nammineq aatsitassarsiornermik suliaqarfimmik aningaasaliisartunillu aggersaasimanera innersuussutigalugu. 

”Kalaallit Nunaanni naalakkersuisuusartut nikerartut ukiut ingerlaneranni aningaasaliisartunik qaaqqusisarsimapput aatsitassarsiornermik suliffissuaqarneq ineriartortinneqarumallugu. Greenland Minerals naalakkersuisuusartunit kaammattorneqarluni Kalaallit Nunaata aatsitassarsiornermik suliffissuaqarnermik nutaaliaasumik ineriartortitsinissamik anguniagaasa ilisaritinnissaannut akisussaassuseqarfik suliamullu ilisimasaqarluartumik ikiuuttarsimavoq. Taamaattumik Greenland Minerals naalakkersuisuusartut nunarsuaq tamakkerlugu aatsitassat pillugit nunat tamalaat akornanni ataatsimeersuarnernut ilisarititsiartorlutik angalanerinut eqeersimaarluni peqataasarsimavoq.", John Mair ilaatigut oqarpoq.

 

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER