Greenland Express

Greenland Express atorfinititsinissaminut piareertoq

Greenland Expressip suliffeqarfittut aallartinnerliornera qaangiutilerunarpoq, sulisussanimmi atorfinititsisalernissaminut piareerpoq

Inuppasuit ukioq kingulleq neriuutigigaluarpaat Greenland Express timmisartuussilluni aallartissasoq, aningaasaliisulli aningaasaliiumajunnaarnerat pissutaalluni aallartinngitsoorluni. Greenland Expressip aallarniisua Gert Brask aningaasaliisussanik nutaanik nassaarpoq, timmisartuussisalernissallu pilersaarusiulerlugit

Rimdal Høegh

netredaktion (netredaktion@sermitsiaq.ag)

tallimann 31. uki 2014 05:24

Annonce

Greenland Expressip aningaasaliisussaagalui 2013-imi tunuaannarput, Greenland Expressili qaqeqqinnissaminut piareerpoq.

Aningaasaliisussanik nutaanik takkuttoqarpoq. Namminersorlutik Oqartussanit Angallannermullu aqutsisoqarfimmit timmisartukkut Greenland Express akuerineqarsimasoq check-in.dk-mi atuarneqarsinnaavoq. Timmisartuutileqatigiiffik Denim Air suleqatigalugu Greenland Express nunatsinnit angallassisinnaalernissamut akuersissut januaarip 17-ani tiguaa. Aallartisaasoq Gert Brask check-in-imuttaaq oqarpoq, Greenland Express 2014-imi angallassilluni aallartikkumaartoq.

Greenland Expressip Facebookikkut quppernerani atuarneqarsinnaavoq timmisartuutileqatigiiffik timmisartuni saqisunik Kalaallit Nunaanni, Islandimi Danmarkimilu pissarsiortoq kiisalu inniminniinermi sulisussanik pissarsiortoqarluni.

Timmisartuutileqatigiiffiup nittartagaa suli suliarineqarpoq, suliffeqarfimmulli qinnuteqarfissaq februaarip 28-aniusoq nalunaarutigineqarpoq.
Greenland Expressimik aallarniisoq Gert Brask Sermitsiaq.AG-mit pisoq pillugu oqaaseqartinniarpaa.

nunatsinnit inuussutissarsiutit