Skip to main content

Great Greenland: Nioqqutissat piareeriikkat sinneqartoortitsipput

Naak puisit amiinik 2020-mi tunisineq Great Greenlandip oqaluttuarisaanerani appasinnerpaagaluartoq, ingerlatseqatigiiffik 4 millionit koruuninik sinneqartoorluni ukioq anigorpaa.

Pingaartumik amernik, taskinik, isersimmatinik, aaqqatinik matuersaaserfinnillu nioqqutissanik tunisinerulernermik pissuteqarpoq, aviisi Sermitsiaq allappoq. 

Great Greenlandip ammit 30.000-t tunissallugit naatsorsuutigigaluarpaa, kisianni 2020-mi 23.000-innaasimapput.

– Ingammik natsiit amiinik tunisineq Tunumi Upernaviullu eqqaani appariarpoq. Sooq appariarsimanersut tunitsivinnut apeqqutigaarput, kisianni assigiimmik nassuiaaffigineqanngilagut, pisortaq Preben Møller oqarpoq, taassuma pingasunngornermi ukiumut nalunaarusiaq naammaginartoq siulersuisunut tunniuppaa.

Tuniniaaneq iluatsittoq

Amernik tunisineq – aamma amernik ilivitsunik nioqqutinik amerlasuunik tunisaqartartunut tunisineq appariaraluartut – Great Greenlandip nioqqutinik piareeriikkanik tunisaqarnini malunnaatilimmik qaffariartippaa. Nioqqutit soorlu taskit, ammit, isersimmatit, matuersaaserfiit pinnersaasiallu amertallit.

– Nioqqutinik piariikkanik naatsorsuutigisatsinnit 1 millioninik isertitaqarneruvugut. Pingaartumik Danmarkimi Nunatsinnilu pisisartut nioqqutissanik pisiortorput, kisianni aamma USA-mit, Canadamit Europamilu nunat arlallit pisisartut nioqqutissaativut ilisimanerulerpaat, ilaatigut taama Preben Møller Sermitsiamut nassuiaavoq.

Great Greenland pillugu oqaluttuaq uani Sermitsiami tamaat atuaruk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER