Piniarneq
Great Greenlandip puisit pillugit isumaqatigiissummik nutaamik ajoqut peerpaa
Maannamit puisit amiinik Great Greenlandimut tunisinermi minnerpaamik killigititaqarunnaassaaq
Henrik Sandgreen, aalisartut piniartullu kattuffianni KNAPK-mi siulittaasoq, aamma Great Greenlandimi pisortanngorlaaq Ditte Sorknæs, ippassaq marlunngornermi puisit amiinik tunisinermut isumaqatigiissummik nutaamik atsiorput.
Puisinniartartut sivisuumik ajoqutigisimasaannik, taamanna ilaatigut aaqqiinermik kinguneqarpoq.
Oqaloqatigiinnissamik neriuuteqartut
- KNAPK suleqatitsinni pingaarnersaavoq, taamaammat isumaqatigiissut nutaaq atsioratsigu nuannaarpunga, qilanaaraaralu maanna siunissamilu pitsaasumik attaveqatigiittarnissaq, ammerivimmi namminersorlutik oqartussanit pigineqartumi pisortaq, Ditte Sorknæs oqarpoq.
Atuaruk: Qaqortumi mersortarfimmi ingerlatat aallarteqqinneqarput
Isumaqatigiissummi siullermi ilaatigut piniartut 4.000 koruunit nalinganut tunisaqaqqaarlutik akilerneqartarnissaanik piumasaqaateqarmat, tamanna KNAPK-miit akueriumaneqanngilaq.
Isumaqatigiissummilu nutaami piumasaqaat taanna atorunnaarpoq.
Suli killeqartoq
Great Greenlandimiit neriuutigineqarpoq 2016-imi aataat natsiillu amii 48.000-it tunisassiarineqarsinnaassasut.
Kisianni natsiit amiinik tunisineq suli Ilulissaniit kujammut Qaqortoq ilanngullugu suli isumaqatigiissummi nutaami matoqqatinneqassapput.
Atuaruk: Naalakkersuisut peqqissimisut: Puisit amii ikuallanniarunnaaraat