Qaqortoq
Great Greenlandimi sipaarniartoqalersoq
Great Greenlandimi sulisut akornanni pisariillisaasoqalernerani nalorninartorsiortoqarpoq
Sipaarniarnissamut piffissanngorpoq, Qaqortumi Great Greenlandimi pisortaq, Lars Berg taama oqariartuuteqarpoq.
Tamanna Qanoruumi ataasinngornermi unnukkut oqaluttuarineqarpoq.
Oqariartuut tamanna ammerivimmi sulisunut 33-iusunut toqqissisimanngitsitsivoq, tassami sipaarniarnerit sukkut eqquissanersut ilisimaneqanngimmata.
Sulisunik naammattusaarieq
- Oqariartuut uagutsinnut sulisunut toqqissisimananngilaq. Kantiina oktoberimut periarfissinneqarpoq, tassani sulisut marluk juulleriartornerani suliffeerunnissartik ernumassutigaat, sinniisoq Anthon Eugenius KNR-mut oqarpoq.
KNR-mi ilanngutassiaq takuuk: Great Greenland sipaarniarpoq
Sulisut amerlasusat ataavartumik naammattusaarneqassasut aammalu tamanut nalunaaruteqassalluni pisortaq, Lars Berg, tusagassiorfimmut neriorsuivoq.
Great Greenland ukiuni arlaqartuni ingerlanerliorpoq, taamaattumillu Namminersorlutik Oqartussat upernaaq immikkut 15 millionit koruuninik ingerlatsinermut aningaasaliissuteqartariaqarsimavoq, suliffeqarfik iluamik ingerlaleqqinniassammat.