puisit amii
Great Greenland puisit amiinik pitsaasunik ujartuivoq
Great Greenlandip puisit amiinik toqqorsivia pitsaanngitsorpassuarnik imaqarpoq.
Tamanna Inuussutissarsiornermut Naalakkersuisoq, Hans Enoksenip paragraf 37 naapertorlugu akissuteqaataani erserpoq.
Tunitsiviliineq
Great Greelandi puisit amiinik pitsaasunik pissarsinissaq siunertaralugu 4. – 20. aggusti atorneqartussamik Kujataani tunitsiviliivoq.
- Amernik pissarsiarineqarsinnaasuniit qaffasinnerusunik pitsaassusilinnik niuerfimmi pisiumasoqartartoq. Ingerlatsivik naapertorlugu ammit toqqorsivimmiittuutigineqartut ilaat amerlasuut naammaginanngitsumik pitsaassuseqartut, tamatumuunalu atorsinnaassusiat aamma tunineqamerminni akigisinnaasaat killilingaatsiarlugu, Hans Enoksen, Laura Táunâjimmut akissuteqarluni paasissutissiivoq.
- Kalaallit Nunaata Ameriviani taamaasilluni piffissamii rnaturnani puisit amii pitsaanngitsut arnerlavallaartut uninngasuutigai. Puisit amii pitsaanerusuuppata amerlanerusut tunineqarsinnaasassagaluartut ingerlatseqatigiiffiup ilirnagaa.
Naliliineq
Great Greenlandip misiliummik tunitsiviliisimaneq nalersuiffiginiarpaa, taamaattoq massakkut oqaatigisinnaalereerpaat aaqqiineq taamatut isikkoqartillugu ukiup tulliani pinavianngitsoq.
Aasaaneranin Kujataani puisit amiisa amerlanerpaat tunineqartarnerannut Kujataani tunitsiviliisoqarsimaneranut pissutaavoq. Tunitsiviliinerlu qanoq akeqarsimanera, ersinngilaq, tamanna suliffeqarfiup isertugaataatut isigineqarnissaa kissaataammat.