Skip to main content

Great Greenland piaartumik amernik pitsaasunik pissarsiortoq

Qaqortumi ammerivik tassanngaannaq amernik amigaateqalerpoq. Taamaattumik piniartut tuniseqqullugit kajumissaarpaat, naak ingerlatseqatigiiffik amernut annertunerusumik piumasaqaateqarniaraluartoq

Great Greenland piaartumik 'amernik pitsaasunik' aataavaqqanik amigaateqarpoq.

Ammerivik marlunngornermi taama ilisimatitsivoq. Taamaattumillu sunngiffimmi pinialuttartunut tunisineq aallartinneqarpoq, Namminersorlutik Oqartussanut kiffartuussinissamut isumaqatigiissut avaqqullugu.

Quersuaq imaqanngitsoq
Sapaatip-akunnerisa tallimat matuma siorna Qaqortumi ammeriviup aataat amii kingulliit suliarilerpaat, taamanili quersuaq imaaruppoq.

- Aataat amiinik tunisinersuaq juunip aallaqqaataata missaani pisartoq utaqqigaluarparput, kisianni taamaattoqanngilaq, pisortaq Ditte Sorknæs oqaluttuarpoq.

Atuaruk: Puisi qaqutigoortoq piumaneqarluartoq

Great Greenland taamaattumik nunatsinni aamma nunani tamalaani pisisartut piumasaat pitinniarlugit, allatut iliorlutik amernik naammattunik pissarsiniartariaqarput.

Ataasinngorpamit juunip 20-ani sunngiffimmi pinialuttartut amernik tunisisinnaanngussapput.

Piumasaqaatit nutaat
- Tamanna tunisineq niuernermut tunisineruvoq, taamaammat piumasaqaatigisanngisatsinni arlalinnik piumasaqarsinnaavugut, pisortaq oqaluttuarpoq.

- Assersuutigalugu natserit amiinik tunilluarneq ajukkatsinnik tunisaqarneq ajorpugut. Aamma tunisisartutsinnut eqqaasitsinikuuvugut, ammit pitsaasut kisiisa piumallutigit. Taamaattumik ammit kissaatitsinnut naleqqutinngitsut itigartinneqarsinnaapput, Ditte Sorknæs oqarpoq.

Atuaruk: Great Greenland millionilikkaanik amigartooruteqaqqittoq

Pisortap aamma naqissuserpaa, sunngiffimmi pinialuttartunik tunisaqartitsineq utaqqiisaasumik aaqqiissutitut isigineqassasoq. Great Greenland ataavartumik aaqqiissutissamik nassaarnissamut KNAPK-mik qanimut suleqateqarpoq.

Sandgreen isumassarsiamut isumaqataasoq
Pilersaarummut maannamut piniartut aamma isumaqataapput.

- Great Greenlandip aaqqiissutigigallagaa KNAPK-p paasisinnaalluinnarpaa, neriuutitaarpullu Great Greenland ingerlatsinerminnut amernik naammattunik pissarsisinnaassasut. Una isumaqatigiissut kiffartuussinermut isumaqatigiissummut sunniuteqanngilaq, taamaattumillu piniarnermik inuussutissarsiuteqartut ajortumik eqqorneqanngillat, KNAPK-mi siulittaasoq, Henrik Sandgreen oqarpoq.

Atuaruk: Naalakkersuisut peqqissimisut: Puisit amii ikuallanniarunnaaraat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER