Skip to main content

Great Greenland millionilikkaanik amigartooruteqaqqittoq

Ammerivik namminersorlutik oqartussanit pigineqartoq 24,3 millioner koruuninik amigartooruteqarpoq

Great Greenlandip aningaasaqarniarnerata ilorraap tungaanut sangutinniarneqarnera suli ingerlanerluttorujussuuvoq.

Tamanna paasinarsivoq ammeriviup Namminersorlutik Oqartussanit pigineqartup marlunngormat juunip 7-anni ataatsimeersuarnerani.

Naammaginanngitsoq

Great Greenland 2015-imut naatsorsuutimigut 24,3 millioner koruuninik amigartooruteqarpoq, angusarlu selskabip siulersuisuisa Naalakkersuisullu naammaginanngitsutut taavaat, taamatut paasissutissiivoq Naalakkersuisut.gl.

Unammilligassat

Selskabi ukiumi naatsorsuiffiusumi amernik suliarineqarsimasunik tuniniaanermik unammilligassaqarsimavoq, ilaatigut amminik tuniniaaviit nalinginnaasumik nalunartoqarnerat pissutigalugu.

EU-p peqqussutaa

Tamatumunnga ilanngullugu EU-p amminut peqqussutaa nutaaq nalorninartoqartinneqartorujussuuvoq, tassanili naggueqatigiinnut Inunnut immikkut akuersissut attatiinnarneqarpoq.

Immikkut pisinnaatitaanikkut Kalaallit Nunaat EU-mi tuniniaavimmi puisit amiinik tunisassianik suli tuniniaasinnaatitaavoq. Immikkulli akuersissutearaluartoq Great Greenlandip 2009-miilli isertitamigut appariartornera allanngorsimanngilaq.

Selskabi 2015-imi amerlanerusunik ingerlatsinermut aningaasartuuteqarsimavoq kiisalu ammit tunisat pitsaassusaat appariarsimavoq ammillu tunisat ikileriarsimallutik, tamannalu ukiumut angusanut sunniuteqaqataavoq.

Siulersuisut nutaat

2016-imi februaarip aallaqqaataani Ditte Hejberg Sorknæs Great Greenlandimi pisortaanertut atorfinitsinneqarpoq, taamaattumillu siulersuisuni ilaasortaanerminit tunuarluni, siulersuisuni ilaasortaannartut ilaasortaasimalluni 2015-imi ataatsimeersuarnermiilli.

Tamatuma saniatigut Naalakkersuisut As Øland aamma Tommy Egede Kristensen siulersuisuni ilaasortatut nutaatut toqqarpaat.

Tamatumalu saniatigut Helle Matthiesen siulersuisuni nutaatut siulittaasunngortinneqarpoq, Bruno Olesen kingoraarlugu.

Siulersuisuni ilaasortat allat tassaapput Erik Sivertsen aamma Annette Greiner.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER