Great Greenland amigartooqqippoq
800.000 koruunit sinnerlugit amigartoortoqaraluartoq angusaq siulersuisunit naammagisimaarneqarpoq
Great Greenland A/S-ip 2019-imi amingartoorutigivai 811.000 koruunit.
Ingerlatsinermilu sinneqartoorutit 356.000 koruuniupput, tamanna tusagassiutinut nalunaarutigineqarpoq.
Ammerivik, 256.361 koruuninik ukioq kingulleq amigartooruteqartoq, ukioq manna anguneqartut naammagisimaarneqarput.
Tunisassiornermi ajornartoornerit
- Aqutsisut suliffeqarfiup ukiumoortumik angusai naammagisimaarpaat, naak kaaviiaartitat appariaateqaraluartut, tunisassiornermilu ajornartoornerit nalaanneqarsimagaluartut. Aqutsisut piffissami tulliuttumi aningaasanik sukannersumik aqutsineq, nukinnillu atorluaaneq aallaavigalugit suliffeqarfiup aningaasaqarnikkut upalungaarsimanissaa qulakkeeniarlugu suliaqassapput, nalunaarutigineqarpoq.
2019-imi ammit suliffeqarfimmut tunisat 29.204-iusimasut ilisimatitsissutigineqarpoq.
Siulersuisuni ilaasortanngortoq
Juliane Henningsen siulersuisuni siulittaasutut ingerlaqqippoq. Tommy Ege Kristensen siulersuisuni ilaasortaajunnaarpoq, Stefan D Buch-imit paarlanneqarluni.
Siulersuisut: Juliane Henningsen, Anette G Lings, Erik Sivertsen, Niels Boassen, Stefan D Buch.
Siulersuisut ippassaq sisamanngornermi ataatsimeersuarput.