Skip to main content

GOG sisamassaat tulleriisiinnarlugit ajugaavoq

Jakob Larsenip unammisartui maanna ingerlalluarput unamminernilu kingullerni sisamani 8 pointinik pissarsillutik

Arfininngormat ualikkut Odder Håndbold ajugaaffigaat. Spektrum Odder-imi minutsit 30-t marloriarlugit unammereerluni håndboldliga-mi kinguarsimanerpaamut GOG sukalavallaaqaaq.

Sekundimit siullermit fynimiut unammineq tigummivaat. Saassussisaqattaartuarput, målmandillammallu Søren Haagen unammilluartorujussuuvoq. Minutsit tallimat ingerlareersut 0-5-erput. Minutsit qulit ingerlariiginnartut 1-9-erlutik.

Taavalu ajortorujussuarmik pisoqassagluarpoq GOG ajugaassanngippat marlunnillu pointinnaqqilluni. GOG-p unammisartui akeqqaminnit teknikkikkut kakkannerupput nukittuneroqalutillu. Unamminerup immikkoortua siulleq 13-25-mik inerneqarpoq. GOG unamminerup immikkoortuata aappaani unammilluaqqippoq, 19-41-millu ajugaarujussuarluni.

Unammilluartorpassuit

Sungiusaasup Jakob Larsenip unammisartumi unammilluarnerujussuat naammagisimaaqaa. Jakob Larsen Sermitsiaq.AG-mut ilaatigut oqarpoq:

– Unammisartut tamavimmik nersualaagassarujussuupput. Suut tamaasa iluatsippaat. Assersuineq torrallataalluinnarpoq. Saassussinerit ingerlalluarput, målimilu annaassinerpassuaqarpoq, tamanna pisariaqaqimmat ajugaassagutta. 22-nik amerlanerusunik iseritsilluta ajugaavaugut, tamannalu qaqutigoortorujussuuvoq. Ilarasuuteqarata sapaammi qasuersaarsinnaanngorpugut, taavalu ataasinngorpamiit pingasunngornermi angerlarsimaffitsinni Gudme-mi SønderjyskE-mut pingaarutilerujussuarmik unamminissatsinnut piareersalissaagut.

Akutaaneq Kreutzmann isumaqarpoq SønderjyskE ajugaaffigisinnaassallugu. Akutaaneq Kreutzmann Sermitsiaq.AG-mut oqarpoq:

– Pissarsinissatsinnut periarfissarissaaqaagut. Unamminerni arfinilinnilinni kingullerni unammilluartarsimavugut, arsaqatigiinnerpullu pitsanngoriartuinnarpoq.

GOG septembarimi Sønderborgimi unamminermi tiguartissimanaqisumi SønderjyskE-mut 34-35-imik ajorsarpoq.

Unammisartut tamarmik unammipput

Unammisartut, nalinginnaasumik sivisuumik unammisartut, pisariaqanngitsumik qasutikkumanagit arfininngormat Odder Spektrum-imi unamminermni GOG-mi holdimi peqataasut tamarmik unammeqataapput. Ilaartigut Minik Dahl Høegh aamma Akutaaneq Kreutzmann piffissani arlalinni uninngatinneqartarput. Minik Dahl Høegh sisamanik isertitsivoq, taakkunannga pingasut strafferluni, Akutaaneq Kreutzmannilu pingasunik iseritsilluni.

GOG-mi unammilluarnerpaavoq Lars Hald. Assersuillaqqeqaaq illua'tungaanilu arfineq-marlunnik isertitsilluni.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER