Godthåb Transportservice: Suliffeqarfiup inuusuttumit pisiarineqarnissaa ajornassaaq
Nalillit lastbiiliniipput illuniillutillu, saniatigut akileraarutinut maanna atulersinneqalersumut akiliutaasinnaasunik aningaasanik atoriaannarnik uninngasoqanngilaq, pisortaq piginneqataasorlu Niels Pedersen oqarpoq, taanna piginnittussarsiortussaavoq.
Niels Pedersen Godthåb Transportservicemeersoq 64-inik ukioqalilerpoq, piginnittussarsiornissamillu eqqarsaateqartussanngorluni, aamma kia qamutaateqarfissuaq, pisoqaq ingerlalluartorlu tigusinnaavaa, taanna ukiunik 50-inik nalliuttorsioqqammerpoq, taamanikkullu Svend Jungemit aallartinneqarsimavoq.
Aviisi Sermitsiaq taama allappoq.
Suliffeqarfik suli pitsaasumik ingerlavoq nammineerlunilu aningaasaateqarpoq, kisianni nalillit lastbiiliniipput illuniillutillu. Suliffeqarfimmik pisisinnaasumik nassaarniarnissaq ajornakusoorpoq.
- Akileraartarnermut inatsit nutaaq, Inatsisartut ukiaanerani ataatsimiinneranni oqaluuserineqartussaq malillugu pisisussamik nutaamik nassaarniarnissaq suli ajornakusoornerulissaaq, Niels Pedersen oqarpoq, taanna Svend Jungep ernera Bjørn Junge Sikemsen piginneqatigaa. Taakku taamanikkut Jungefonden aamma piginneqataasimasoq John Thomsen suliffeqarfimmi piginneqataassutaat pisiaraat.
- Suliffeqarfik inuusuttumit pikkorissumit niuerluarsinnaasumik nunatsinneersumik pisiarineqarnissaa takorusunneruarput, aamma Jungep suliffeqarfik aallarnisaasutut aallartimmagu anersaaq atugaa nangissimasarput atorlugu ingerlarsisinnaasoq. Piginnittut nikinneranni suliffeqarfiup sanaartugassanik suliarinnittartunit angisuunit imaluunniit suliffeqarfimmit assartuinermit suliaqartumit allamit pisiarineqarnissaanik kinguneqarsinnaavoq, Niels Pedersen oqarpoq, taassuma ukiut qulit qaangiuppata soraarninngornissani eqqarsaatigisariaqarpaa.
Aviisimi Sermitsiami atuarnerusinnaavutit. Aviisi uani pissarsiariuk:
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...