nedtælling til Gay Pride
Goddag, mit navn er lesbisk
Arfininngorpat Nuummi Gay Pride ingerlanneqarnissaanut kissassaatitut tallimanngornermi unnukkut Katuami suiaassuseqatiminnik atoqateqartartut pillugit filmiliaq takutinneqassaaq
Arfininngorpat Nuummi Gay Pride ingerlanneqalerpat qularnanngitsumik qalipaatigissaartunik nuannisarluartunillu takussaagut.
Ulloq taanna sioqqullugu kikkulluunniit soqutiginnittut illorsuarmi pikialaartitsiffiusartumi Katuami, Gay Pride sioqqullugu gay-docsimik unnussiuaartitsisoqassaaq.
Napap Kalaallit Nunaanni siullerpaamik takutitassaa tassaavoq filmi piviusulersaarusiat; Goddag, mit navn er lesbisk', taanna ilitsersuisartunit Iben Haahr Andersen aamma Minna Grooss-imit suliarineqarpoq, kiisalu ’My Love’ Iben Haahr Andersenimit suliarineqartoq. Goddag, mit navn er lesbisk'-imi ilisaritinneqarput Danmarkimi najugallit ilaqutariit muteerniusut arnaanaasartunik inuttallit. Ilaatigut naapissavavut aappariit Leise Johnsen aamma Stine Johnsen, amerlanernit atorfii aallaavigalugit ilisimaneqartut soorlu Napami pisortatut aamma Kommuneqarfik Sermersuumi pisortaanerugallartutut.
Katuami Gay-docsimik unnussiuaaqatigiinnissaq tallimanngornermi nal. 18.00 aallartissaaq. Filmit tamarmik 50 koruunimik akiliilluni isiginnaarneqarsinnaapput.