Skip to main content

GME: Sanaartorneq siusinnerpaamik 2017-imi aallartissinnaavoq

Greenland Minerals and Energymit nalunaarutigineqartut naapertorlugit Kuannersuarni aatsitassarsiorfissaq ukiut arlallit qaangiuppata aatsaat ammarneqarsinnaavoq

Naalakkersuisooqatigiilernissamut isumaqatigiissuteqartuni nunatta kujataani aatsitassarsiulernissaq isumalluarfigineqarpoq.

Kisianni Greenland Minerals and Energyp Kuannersuarni aatsitassarsiorfissatut pilersaarutaa ammariaannaarpasinngilaq, naak nunatta karsiata aningaasanik isaatitsiffigineqarnissani pisariaqartikkaluaqigaa.

Dagbladet Informationimi allappoq aatsitassarsiorfik australiamiunit pigineqartoq Greenland Minerals and Energy, GME, aatsitassanik qaqutigoortunik piiaanerunissaminik pilersaaruteqartoq - ilaatigut uranitalinnik - naatsorsuuteqartoq umiarsuaq siulleq uranoxidinik usisoq 2019-imi imaluunnit 2020-mi aatsaat nunatta kujataanit avalassinnaassasoq.

- Pisariaqarluinnarpoq piffissaliinissaq, piffissaliineq suleqatigiumaakkatta
naatsorsuutigisinnaasaat. Tamanna aningaasaliisussatut aammalu aatsitassanik pisisussanut toqqissisitsissaaq, John Mair, Greenland Minerals and Energymi pisortaq, Informationimut taama oqarpoq. 

Pilersaarutigineqartut naapertorlugit aatsitassarsiorfiup nunaqavissut tikisitallu 465-it missaat sanaartorluni aallartinnermi sulisorissavai kiisalu sulisartut 380-it missaat ingerlatsinermi aamma sulisorineqarnissaat naatsorsuutigineqarpoq. Tamatuma saniatigut aamma akileraartarnikkut isertitarineqarumaartussatut, naatsorsuinerit kingulliit naapertorlugit ukiumut agguaqatigiisillugu milliardip affai, naatsorsuutigineqartut aviisi allappoq.

Piiaanissamut akuersissummik suli pinianngillat
Kisianni GME piianissamut akuersissummik peqaqqaartariaqarpoq, taassumalu qinnutiginnginnerani aamma Nammisorlutik Oqartussat qinnuteqaammut tigusinissaminnut piareersimasariaqartut John Mair oqarpoq.

- Alloriarnerit annertuut tigoqqaartariaqarpagut Kalaallit Nunaata kujataani aatsitassarsiorluta aallartinnginnitsinni. Piviusorsiorneruvoq sanaartorneq 2017-imi aallartippat, John Mair Informationimut taama oqarpoq. 

GME, 2007-imiilli Kuannersuarni aatsitassarsiorsimasoq aatsitassarsiorfissallu piareersarneranik suliaqartup, naatsorsuutigaa aatsitassarsiorfiup aallartisarlugu sanaartorneqarnissaa ukiunik marlunnik sivisussuseqarumaartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER