Skip to main content

GME-p qinnuteqaataa sivitsortoq

Kuannersuarni piiaanissamut qinnuteqaat sivitsortoq

Kuannersuarmi uranimik aatsitassanillu qaqutigoortunik piiaanissamut qinnuteqaat inaarutaasoq sivitsorpoq.

GME-p avatangiisinut aamma inunnut kingunissanut misissuinera piumasaqaatinut suli naapertuutinngilaq. Tamanna § 37 naapertorlugu Kalistat Lundip (IA) apeqquteqaataanut akissummi takuneqarsinnaavoq.

- GME-p maannakkut nassuiaatinut missingiutit nutarterlugit aammalu misissuinemik annertunerusunik suliaqartoqassanersoq suliarai, naalakkersuisup Múte Bourup Egedep (IA) akissuteqaataani allaqqavoq.

Atuaruk: S: GME-mut akuersissummik tunniussinissamut Múte akuersitinneqarsinnaavoq

Urani pillugu oqariartuutit allanngorartut
Suliassap avatangiisinut sunniuteqamissaanik nalilersuinermut nassuiaammut (VVM) aamma suliassap inuiaqatigiinni piujuartitsiviusumik sunniuteqamissaanik nalilersuinermut (VSB) misissuinermi nassuiaatit GME-p suliareqqissavai.

Naalakkersuisoqatigiilertut pilersinneqarnerisa kingorna GME-p qinnuteqaateqarnera soqutiginarneruleqqippoq, tassani urani pillugu isumaqatigiinnginnertik isumaqatigiissutigimmassuk.

Tamatuma kingorna tamanna qanoq paasisariaqarnersoq allanngorartumik nassuiarneqarnikuuvoq. Inuit Ataqatigiit siulittaasuata Sara Olsvigip oqaatigaa, politikkikkut pissuteqarluni suliniummut naaggaarnissaminut piareersimalluni.

Atuaruk: Tusagassiorfik: IA-p GME unitsinniarlugu tamaviaarniarpoq

Taassumali parteeqataata aatsitassanut naalakkersuisup, Múte Bourup Egedep, GME-p qinnuteqaataa inatsisit malittarisassallu atuuttut naapertorlugit suliarineqassasoq neriorsuutigaa. Siumumilu gruppimi siulittaasup Jens Erik Kirkegaardip oqariartuutigaa, GME-p inatsisit naapertorunigit inatsisitigut akuersissummik pinissaminut qanittunnguusoq.

Atuaruk: Naalakkersuisoqatigiit uran pillugu apeqqut pinngitsoorsinnaavaat

Naalakkersuisoqatigiinnut periarfissaq annikitsoq
AG-p oqaluttuarneratut, VVM-imi aamma VSB-imi amigaataasut naalakkersuisoqatigiit imminnut akerlilersuutinnginnissaminnut periarfissarisinnaavaat. Qinnuteqaat 2017-ip affaani siullermi tunniunneqanngippat, ukiaanerani 2018-imi qinersinissaq sioqqullugu suliarinissaa ajornakusuulersinnaavoq.

Tassami suliarineqarnera tusarniaanerillu ukioq ataaseq sinnerlugu sivisussuseqarnissaat naatsorsuutigineqarpoq.

Atuaruk: Politikkikkut GME-mut naaggaarnissamut Múte erseqqissaanngitsoq

VVM aamma VSB iluarsineqassapput
Aappaagu ukiup affaani siullermi naammassinissaq ajornakusoorsinnaasoq, § 37 naapertorlugu apeqqummut akissummi oqariartuutigineqarpoq.VVM aamma VSB naalakkersuisoqarfiup aamma GME-p akornanni ukiup ataatsip missaata ingerlanerani uterteqattaarlugit nassiunneqaqattaarsimasut malunnarpoq, taakkulu piumasaqaatinut suli naammassinninngillat.

Tamatumunnga pissutaavoq allakkiat imarisamikkut pitsaassutsimikkullu aalajangersakkani minnerpaaffissanik naammassinnissimasut naliliisoqarpat, aatsaat tamanut ammasumik tusamiaassutigineqarsinnaarnmata. Aatsitassanut oqartussaasut taamaalillutik VVM-imut aamma VSB-imut nassuiaatit iluarsineqamissaat pillugu 20l6-imi decembarimiilli GME ingerlaavartumik oqaloqatigisarpaat, Kalistat Lundimut akissuteqaammi allaqqavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER